ەلىمىزدە 1 قاڭتاردان باستاپ ق ر نورماتيۆتىك قۇقىقتىق اكتىلەرىندەگى سالىق سالۋ ماسەلەلەرى جونىندەگى تۇزەتۋلەر كۇشىنە ەندى، سايكەسىنشە مىندەتتى الەۋمەتتىك مەديسينالىق ساقتاندىرۋدى ەنگىزۋ مەرزىمى 2018 جىلدان 2020 جىلعا اۋىستىرىلدى.
ءمامس جۇيەسىنە جەكە تۇلعالاردىڭ (جالدامالى جۇمىسكەرلەر، ءوزىن-وزى قامتۋشىلار، ونىڭ ىشىندە جەكە كاسىپكەرلەر، ازاماتتىق-قۇقىقتىق سيپاتتاعى كەلىسىمشارتتاعى تۇلعالار) جارنا تولەۋ مەرزىمى 2020 جىلدىڭ 1 قاڭتارىنا اۋىستىرىلدى.
- وسى ۋاقىت ارالىعىندا حالىقتىڭ ءوزىن-وزى ءونىمسىز قامتاماسىز ەتەتىن ساناتىن راسىمدەۋ جانە ولاردى ەل ەكونوميكاسىنا، سايكەسىنشە ءمامس جۇيەسىنە تارتۋ جۇمىستارى جۇرگىزىلەتىن بولادى. 2020 جىلدان باستاپ وسى ساناتتاعى تۇلعالار ءۇشىن ءمامس جۇيەسىنە تولەنەتىن جارنا مولشەرى تومەندەيدى. ازاماتتىق-قۇقىقتىق سيپاتتاعى كەلىسىمشارت بويىنشا تابىس الاتىن جەكە تۇلعالاردىڭ جارنا مولشەرى (جارنا ەسەپتەۋ وبەكتىسىنەن) 2020 جىلى 1 %ء-تى، ال 2021 جىلدان باستاپ 2%ء-تى قۇرايدى، - دەيدى استانا قالاسى بويىنشا «ءامسق» كوممەرسيالىق ەمەس اكسيونەرلىك قوعامى فيليالىنىڭ ديرەكتورى ن.قابدىقاپاروۆ.
سونىمەن قاتار، جەكە كاسىپكەرلەر 2018-2019 جىلدارى جەكە كاسىپكەرلەر رەتىندە ءوزى ءۇشىن جارنا تولەمەيدى. ءبىراق جۇمىس بەرۋشى رەتىندە قاراماعىنداعى جۇمىسكەرلەرىنىڭ اتىنا جارنا اۋدارۋدى توقتاتپايدى، جارنا مولشەرى 2018-2019 جىلدارى - 1،5%ء-تى، 2020 جىلدان باستاپ 2%ء-تى قۇرايدى.
2017 جىلدىڭ 1 شىلدەسىنەن باستاپ اي سايىنعى جارنا اۋدارۋدى باستاعان جۇمىس بەرۋشىلەر ساقتاندىرۋ كەيىنگە قالدىرىلعانىنا قاراماستان، ءوز قىزمەتكەرلەرى ءۇشىن وتكەن جىلدىڭ جەلتوقسان ايىنداعى تولەمدەرىن 2018 جىلعى قاڭتاردا اياقتاۋى ءتيىس. اتاپ ايتقاندا، جالپى ءتارتىپ بويىنشا جۇمىس ىستەيتىن جەكە كاسىپكەرلەر 2017 جىلدىڭ جەلتوقسان ايى ءۇشىن تولەنەتىن سوڭعى جارنانى 2018 جىلدىڭ قاڭتارىندا اۋدارۋلارى قاجەت. جەڭىلدەتىلگەن دەكلاراسيا بويىنشا ارنايى سالىق جۇيەسىندەگى جۇمىس ىستەيتىن جەكە كاسىپكەرلەر 2017 جىلدىڭ شىلدە-جەلتوقسان ايلارى ءۇشىن جارنا اۋدارادى. ياعني، سوڭعى سوما 2018 جىلدىڭ 25 اقپانىنان كەشىكتەرىلمەي تولەنەدى.
جۇمىس بەرۋشىلەر ءۇشىن جارنا تولەۋ ءتارتىبى وزگەرگەن جوق، ولار 2018-2019 جىلدارى - 1،5%، 2020 جىلدان باستاپ 2% مولشەرىندە جارنا تولەيدى.
- جەڭىلدىگى بار ساناتتار ءۇشىن جارنانى مەملەكەت تولەيدى، ونىڭ مولشەرى 2020 جىلى مەملەكەتتىك ستاتيستيكا ورگانى تاراپىنان وتكەن ەكى جىلعا بەكىتىلگەن ورتاشا ايلىق جالاقىنىڭ 4%ء-ىن قۇرايدى. اتالعان ساناتتارعا جاتپايتىن تۇلعالار 2020 جىلدان باستاپ ەڭ تومەنگى جالاقىنىڭ 5 %ء-ى كولەمىندە جارنا اۋدارادى، - دەيدى استانا قالاسى بويىنشا «ءامسق» كوممەرسيالىق ەمەس اكسيونەرلىك قوعامى فيليالىنىڭ ديرەكتورى ن.قابدىقاپاروۆ.
2018 جىلدىڭ 1 قاڭتارىنان الەۋمەتتىك مەديسينالىق ساقتاندىرۋ قورى تەگىن مەديسينالىق كومەكتىڭ كەپىلدەندىرىلگەن كولەمىنىڭ وپەراتورى جانە مەديسينالىق قىزمەتتەر ءۇشىن ءبىرىڭعاي اقى تولەۋشى بولىپ ەسەپتەلەدى. 2020 جىلعا دەيىن مەديسينالىق قىزمەتتەردى جوسپارلاۋ، ساتىپ الۋ، ساپاسىن باقىلاۋ جانە اقى تولەۋ تەتىكتەرىن جاساۋ، سونداي-اق تولەمدىك اقپاراتتىق جۇيە جۇمىسىن جولعا قويۋ، جاڭا تاريفتىك ساياساتتى ەنگىزۋ تەتىكتەرى جۇيەلەنەتىن بولادى. اتالعان شارالار ءمامس شارتتارى بويىنشا قوردىڭ 2020 جىلدىڭ 1 قاڭتارىنان باستاپ جۇمىس ىستەۋگە تولىق دايىن بولۋىن قامتاماسىز ەتەدى.
پىكىر قالدىرۋ