استانادا سوڭعى كۇندەرى قالانىڭ كوممۋنالدىق قىزمەتتەرى كۇشەيتىلگەن تارتىپتە جۇمىس ىستەۋگە كوشتى. كەشە تاۋلىك ىشىندە قالادان 34 مىڭ تەكشە مەتردەن استام قار شىعارىلدى. بۇل تۋرالى Qamshy.kz اقپارات اگەنتتىگى «استانا تازالىق» ج ش س مالىمەتىنە سۇيەنىپ حابارلايدى.

«تاۋلىك ىشىندە استانادا 34 227 تەكشە مەتر قار شىعارىلدى. سونىڭ ىشىندە، «استانا تازالىق» ج ش س 11 787 تەكشە م، «استانا-كوگالداندىرۋ قۇرىلىسى» اق 2 159 تەكشە م جانە مەردىگەر ۇيىمدارمەن 20 281 تەكشە م قار شىعارىلدى»، - دەلىنگەن حابارلامادا.

جولداردى تازالاۋ جانە قار شىعارۋ جۇمىستارىنا 1345 تەحنيكا تارتىلدى، سونىڭ ىشىندە الماتى اۋدانىندا 557، سارىارقا اۋدانىندا 343 جانە ەسىل اۋدانىندا 445 تەحنيكا. اتاپ ايتقاندا، سىپىرۋ-جيناۋ ماشينالارى، تروتۋار جينايتىن ماشينالار، شنەكوروتورلىق تەحنيكا، قۇمتوسەگىشتەر، اۆتوگرەيدەرلەر، قار تيەگىشتەر، فرونتالدىق تيەگىشتەر جانە ساموسۆالدار.

بۇدان باسقا، قاردى قولمەن جيناۋعا 1888 جول قىزمەتكەرى: الماتى اۋدانى بويىنشا 845، سارىارقا اۋدانى بويىنشا 560 جانە ەسىل اۋدانىندا 483 جۇمىسكەر تارتىلدى.

ايتا كەتەيىك، جۇمىس كۇندەرى، دەمالىس جانە مەرەكە كۇندەرى قار شىعارۋ جۇمىستارى تاۋلىك بويى جۇرگىزىلەدى.