استانا قالاسى مەن ەلىمىزدىڭ ءتورت وبلىسىندا اۋا رايىنىڭ ناشارلاۋىنا بايلانىستى جولدار جابىلدى، دەپ حابارلايدى Qamshy.kz اقپارات اگەنتتىگى "قازاقاۆتوجول" رمك باسپا ءسوز قىزمەتىنە سىلتەمە جاساپ.

استانادا 11 قاڭتار ساعات 01:00-دەن باستاپ جەل كۇشەيىپ، بۇرقاسىن بولىپ، جولدىڭ ناشار كورىنۋىنە بايلانىستى اۆتوكولىكتىڭ بارلىق ءتۇرى ءۇشىن بارلىق جول جابىلدى.  

اقمولا وبلىسىندا 10 قاڭتار ساعات 21:30-دان باستاپ ەكاتەرينبۋرگ — الماتى — 1275-1353 كم (استانادان قاراعاندى وبلىسىنىڭ شەكاراسىنا دەيىن)، ەكاتەرينبۋرگ — الماتى — 915-1247 كم (جاقسىدان استاناعا دەيىن)، استانا — قورعالجىن — 19-180 كم، استانا — ەرەيمەنتاۋ — شىدەرتى — 16-205 كم، قوستاناي — اۋليەكول — سۇرعان — 232-260 كم، جاقسى — ەسىل — بۇزىلىق — 26-82 كم، استانا — قابانباي باتىر —وبلىس شەكاراسى — 16-51 كم، استانا — پەتروپاۆل — 18-293 كم (استانادان كوكشەتاۋعا دەيىن) رەسپۋبليكالىق ماڭىزى بار اۆتوجولداردا اۆتوكولىكتىڭ بارلىق ءتۇرى ءۇشىن جولدار جابىلدى. 

قاراعاندى وبلىسىندا 10 قاڭتار ساعات 22:00-دەن باستاپ الماتى — ەكاتەرينبۋرگ — 1051-1142 كم (تەمىرتاۋدان اقمولا وبلىسىنىڭ شەكاراسىنا دەيىن)، قىزىلوردا — پاۆلودار — 433-749 كم (جەزقازعاننان اتاسۋ ەلدى مەكەنىنە دەيىن) رەسپۋبليكالىق ماڭىزى بار اۆتوجولداردا اۆتوكولىكتىڭ بارلىق ءتۇرى ءۇشىن قوزعالىس توقتاتىلدى.  

قىزىلوردا وبلىسىندا 10 قاڭتار ساعات 23:00-دەن باستاپ سامارا — شىمكەنت — 1474-1240 كم (ايتەكە بي ەلدى مەكەنىنەن اقتوبە وبلىسىنىڭ شەكاراسىنا دەيىن)، 1630-1720 كم (قورقىت مەموريالىنان بۇقارباي باتىر اۋلىنا دەيىن) رەسپۋبليكالىق ماڭىزى بار اۆتوجولداردا اۆتوكولىكتىڭ بارلىق ءتۇرى ءۇشىن جولدار جابىلدى. 

پاۆلودار وبلىسىندا 11 قاڭتار ساعات 00:43-تەن باستاپ استانا — شىدەرتى — 205-259 كيلومەترلەر (شىدەرتى اۋلىنان اقمولا وبلىسىنا دەيىن) اۆتوجولىندا اۆتوكولىكتىڭ بارلىق ءتۇرى ءۇشىن قوزعالىس توقتاتىلدى.