اللەن ءشايجۇنىسوۆ «استانا ەكسپو-2017» ۇك» اق باسقارما ءتوراعاسىنىڭ ورىنباسارى بولىپ تاعايىندالدى. بۇل تۋرالى بۇگىن ءتيىستى بۇيرىققا ۇلتتىق كومپانيانىڭ باسشىسى ەربول شورمانوۆ قول قويدى، دەپ حابارلايدى Qamshy.kz اقپارات اگەنتتىگى. 

اللەن سەرجان ۇلى ءشايجۇنىسوۆ 2002 جىلى رەسەي فەدەراسياسىنىڭ ماسكەۋ مەملەكەتتىك  حالىقارالىق قاتىناستار ينستيتۋتىن «حالىقارالىق-زاڭگەر» ماماندىعى بويىنشا ءبىتىردى. سونىمەن قاتار، قازاق قارجى-ەكونوميكالىق اكادەمياسىن «ەكونوميست» ماماندىعى بويىنشا ءتامامدادى.

 2002 مەن 2006 جىلدارى ديپلوماتيالىق قىزمەتتە جۇمىس ىستەدى. ءارتۇرلى جىلدارى ماڭعىستاۋ وبلىس اكىمىنىڭ اپپاراتى جەتەكشىسىنىڭ ورىنباسارى، «نۇر وتان» حالىقتىق دەموكراتيالىق پارتيا ورتالىق اپپاراتى سەكرەتارياتىنىڭ مەڭگەرۋشىسى، «سامۇرىق-قازىنا كونتراكت» جشس-نىڭ باسقارۋشى ديرەكتورى، قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگى ءتوراعاسىنىڭ ورىنباسارى قىزمەتتەرىندە ەڭبەك ەتتى.

2015 جىلدان باستاپ «استانا ەكسپو-2017» ۇك» اق ىلگەرىلەتۋ جانە تۋريزم دەپارتامەنتىنىڭ ديرەكتورى بولىپ جۇمىس اتقاردى.

 2017 جىلدىڭ 6 قاراشاسىندا «ەكسپو-2020 دۋباي» دۇنيەجۇزىلىك كورمەسىندەگى قازاقستان سەكسياسىنىڭ باس كوميسسارى بولىپ تاعايىندالدى.