پرەمەر-مينيستر باقىتجان ساعىنتايەۆ مادەنيەت جانە سپورت مينيسترلىگىنە حالىقارالىق تەرميندەردى قازاق تىلىنە اۋدارۋ تاسىلدەرىن قايتا قاراستىرۋدى تاپسىردى، دەپ حابارلايدى Qamshy.kz اقپارات اگەنتتىگى.
"نۇرسۇلتان نازاربيەۆ جولداۋدا قازاق تىلىندەگى تەرمينولوگيا ماسەلەسىنە دە ەرەكشە نازار اۋداردى. قالىپتاسقان حالىقارالىق تەرميندەردى اۋدارىپ، قازاق ءتىلىن قيىنداتۋدىڭ قاجەتى جوق ەكەنىن اتاپ كورسەتتى. قايتا ءبىز لاتىن گرافيكاسىنا كوشۋ جاعدايىندا حالىقارالىق تەرميندەردى تىلىمىزگە ىڭعايلى، ۇتىمدى پايدالانۋ جاعىن قاراۋىمىز كەرەك. وسىعان بايلانىستى مادەنيەت جانە سپورت مينيسترلىگى جالپى جۇرت ماقۇلداعان الەمدەگى تەرميندەردى اۋدارۋدىڭ تاسىلدەرىن قايتا قاراۋى ءتيىس"، — دەپ تاپسىردى ساعىنتايەۆ ۇكىمەت وتىرىسىندا مينيستر مۇحامەديۇلىنا.ايتا كەتسەك، پرەزيدەنت جولداۋىندا حالىقارالىق تەرميندەردى قازاق تىلىنە اۋدارۋ تاجىريبەسىن سىناعان بولاتىن. مەملەكەت باسشىسى تاسىلدەردى قايتا قاراستىرىپ، تەرمينولوگيا تۇرعىسىنان قازاق ءتىلىن حالىقارالىق دەڭگەيگە جاقىنداتۋدى تاپسىردى.
پىكىر قالدىرۋ