تاعدىر تالقىسى
تارتىلىپ قالعان ارالداي.
تابانعا بىتكەن جاراداي.
قاقپانمەن ۇستاپ قاسقىردى،
تالاتقان يتكە زامان-اي.
مەزگىلسىز كەلگەن جاڭبىرداي.
قاپىدا اتتەڭ قالدىرداي.
مارەنى بەرمەس تۇلپاردى،
تۇساۋلاپ قويعان تاعدىر-اي.
الا اياقتاردى اڭداماي.
قارعا قۇزعىندى تاڭداماي.
كوگىمدە سامعار قىراندى،
قۇرساۋلاپ قويعان جالعان-اي.
ساتقىندار شىعىپ ارادان.
سۇرىنگەنىڭدى قالاعان.
كولەڭكەڭ بولىپ كورىنبەي،
ابايدى كىم ول ساباعان.
سۇرىنبەي ءوتىپ سىناقتان.
شىققاندا شىڭنان قۇلاتقان.
كىم بولدى جالعان بازاردا،
مۇقاعاليدى جىلاتقان.
تاس تۇنەك جاساپ جارىقتى.
سەزەمىن يتتىك تانىتتى.
ور قازىپ كىمدەر جىقتى ەكەن،
بالۋان شولاق الىپتى.
بۇل جالعان بەرمەس ءتورىناي.
تەپ تەگىس بولماس جولى ۇداي.
قۇلاگەرى وزسا ومالتقان،
باتىراشى بىتپەس ءومىر-اي.
قارادان شىققان حاندارداي.
اعارىپ اتقان تاڭدارداي.
الاشتىڭ اردا ۇلىنا،
جاراتقان ءوزىڭ جار بولعاي.
ەرجان توقتار
پىكىر قالدىرۋ