ۇكىمەت وتىرىسىندا ىشكى ىستەر ءمينيسترى قالمۇحانبەت قاسىموۆ ۇكىمەت باسشىسى باقىتجان ساعىنتايەۆقا اۋا رايىنىڭ قولايسىزدىعىنا بايلانىستى 4 وبلىستىڭ جولدارى جابىلعانىن ءارى اتالعان جاعدايدى باقىلاۋدا ۇستاپ وتىرعانىن ايتتى.  بۇل تۋرالى Qamshy.kz اقپارات اگەنتتىگى 24.kz-كە سىلتەمە بەرىپ حابارلايدى. «اۋا رايى جاعدايىنىڭ كۇرت بۇزىلۋىنا بايلانىستى ءبىرقاتار وبلىستا جەل كۇشەيىپ، بوران سوعۋدا. وسى ورايدا جول قوزعالىسىنا شەكتەۋ قويىلىپ، جاعداي باقىلاۋعا الىندى. قازىرگى تاڭدا استانادا بارلىق باعىت بويىنشا جولدار جابىلىپ، بارلىق كولىكتىڭ قوزعالىسىنا شەكتەۋ قويىلدى»، – دەدى ول. وسى ورايدا ول ەلىمىزدە اۋا رايىنىڭ قولايسىزدىعىنا بايلانىستى 4 وبلىستىڭ جولدارى جابىلعانىن اتاپ ءوتتى.

«اقمولا، قاراعاندى، پاۆلودار، قىزىلوردا وبلىستارىندا جولدار جابىق. بارلىق جولداردا باقىلاۋ بەكەتتەرى ورناتىلعان. وندا پاترۋلدىك جول پوليسياسى تۇر. توتەنشە جاعدايلار كوميتەتىنىڭ قۇتقارۋ قىزمەتى ءوز جۇمىسىن اتقارۋدا. استانا مەن جوعارىدا اتالعان وبلىس ورتالىقتارىندا ءارى ەلدى مەكەندەردە توتەنشە جاعدايلار قىزمەتكەرلەرى جولداردى قاردان تازالاۋعا كوممۋنالىق قىزمەتكە جانە جولداعى كولىكتەرگە كومەكتەسۋدە. كومەك قاجەت بولسا، قوسىمشا كۇشتەر تارتىلادى. جاعدايدى باقىلاۋدا ۇستاپ وتىرمىز»، – دەدى قالمۇحانبەت قاسىموۆ.