جامبىل وبلىسىنداعى داۋىل سالدارىنان كەلگەن شىعىن 2 ملرد. تەڭگەدەن اسادى.
بۇل تۋرالى بۇگىن ۇكىمەتتىڭ سەلەكتورلىق رەجيمدەگى وتىرىسىنان كەيىن ب ا ق وكىلدەرىنىڭ ساۋالىنا جاۋاپ بەرگەن ق ر توتەنشە جاعدايلار ءمينيسترى ۆلاديمير بوجكو ءمالىم ەتتى.
«الدىن الا مالىمەتتەر بويىنشا شىعىن 2 ملرد، تەڭگەدەن اسادى. دەگەنمەن ول الداعى ۋاقىتتا ناقتىلادى. ويتكەنى قۇرىلىس كوميتەتى مەن مەملەكەتتىك ساۋلەت-قۇرىلىس باقىلاۋ مەكەمەسىنىڭ كوميسسياسى شىعىندى باعالايتىن بولادى. سودان كەيىن عانا ناقتى كولەمىن بىلەتىن بولامىز»، - دەدى ول.
ونىڭ اتاپ وتۋىنشە، ءقازىردىڭ وزىندە جامبىل وبلىسىنىڭ اكىمدىگى ايماق قورىنان 170 ملن. تەڭگە قارجى بولگەن. ال ەلىمىزدىڭ باسقا وڭىرلەرىنەن كومەك قارجى ءبولۋ ماسەلەسى ازىرشە قوزعالعان جوق. جالپى داۋىل سالدارىنان زارداپ شەككەن عيماراتتاردى قالپىنا كەلتىرۋ جۇمىستارىنا كوپتەگەن قۇرىلىس ۇيىمدارى تارتىلعان. ال جەكە سەكتوردى قالپىنا كەلتىرۋدە مەملەكەت تارابىنان كومەك بەرۋ ماسەلەسىن اكىمدىكتەن قۇرىلعان كوميسسيا شەشەتىن بولادى.
اۆتور: مارلان جيەمباي
«قازاقپارات»
پىكىر قالدىرۋ