الماتىدا بۇگىننەن باستاپ جاۋعان قار 16 قاڭتارعا دەيىن تولاستامايتىن بولادى، دەپ حابارلايدى Qamshy.kz اقپارات اگەنتتىگى Sputnik قازاقستان-عا سىلتەمە بەرىپ.

 "بۇگىن 2018 جىلدىڭ 11 قاڭتارىنان باستاپ جاۋعان قار 16 قاڭتارعا دەيىن سوزىلادى، تابيعي رەسۋرستار مەن تابيعاتتى پايدالانۋدى رەتتەۋ باسقارماسى اۆتوكولىك يەلەرىنەن كوشەنى قاردان تازالاۋ جۇمىستارىنا تۇسىنىستىكپەن قاراپ، جول شەتىندە تۇرعان كولىكتەرىن الىپ تاستاۋدى سۇرايدى"، — دەپ حابارلايدى اكىمدىك.

اۆتوكولىك يەلەرىنە اۋا رايىنىڭ قولايسىزدىعىنا بايلانىستى ۋاقىتشا قوعامدىق كولىكپەن جۇرە تۇرۋعا كەڭەس بەرىلدى.

 "جەكە كولىكپەن ءجۇرۋ قاجەتتىلىگى تۋىنداسا، جىلدامدىقتى تومەندەتىپ، كولىك ارالارىنداعى قاشىقتىقتى ساقتاۋعا، شۇعىل بۇرىلىس جاساماۋعا شاقىرامىز"، — دەلىنگەن حابارلامادا.