ساۋد ارابياسى ۇكىمەتى ۆيزانى 25 جاستان ۇلكەن، ەر ادامسىز ساياحاتتايتىن ايەلدەرگە بەرەتىن بولدى. بۇل تۋرالى Qamshy.kz اقپارات اگەنتتىگى centralasian.org-قا سىلتەمە بەرىپ حابارلايدى.
جاڭا زاڭ 2018 جىلدىڭ باسىنان باستاپ ىسكە اسادى دەپ كۇتىلۋدە. ءبىر رەتتىك ۆيزانى 30 كۇنگە بەرەدى.
وسىعان دەيىن، ايەل ادامدار ساۋد ارابياسىنا كىرۋ ءۇشىن تۋىسقان بولىپ كەلەتىن ەر ادامنىڭ قاسىندا ەرۋىمەن ءجۇرۋى كەرەك ەدى. ەندى بۇل زاڭ تەك 25 جاسقا جەتپەگەندەرگە قاتىستى بولادى.
ساۋد ارابياسىندا بىرنشە اي بويى قارقىندى وزگەرىستەر ورىن الىپ جاتقانىن بايقاۋعا بولادى. مۇحاممەد بين سالمان حانزادا ايەلدەرگە كولىك ايداۋعا، ءوز ەركىنشە قوعامدىق ورىنداردى ارالاۋعا رۇقسات بەرەتىن زاڭنامالار شىعارعان.
پىكىر قالدىرۋ