بريتاندىق تانىسۋ سايتتارىندا ءبىر-بىرىن تاۋىپ، تانىسقان ەكى مۇسىلماندى تەرروريستىك شابۋىل ۇيىمداستىرماقشى بولدى دەپ ايىپتادى دەپ حابارلايدى Qamshy.kz اقپارات اگەنتتىگى BBC-گە سىلتەمە بەرىپ.
ەكى تەرروريست ءبىر-بىرىن الەۋمەتتىك جەلى ارقىلى تاۋىپ، تانىسقان. مۋنير مۇحاممەد ءبىراز ايەلدىڭ جۇرەگىن جاۋلاعان كورىنەدى. مالىمەتتەرگە سايكەس، ول بىردەن ءتورت ايەل الۋدى قالاعان، الايدا ۇشەۋىمەن قارىم-قاتىناستا بولعان. ءبىرىنشى ايەلىن گراسيادا جۇرگەندە تاستاپ كەتكەن، ەكىنشى سۋداندا تۇراتىن ايەلىن ومىرىندە كورمەگەن، كەزدەسىپ ۇلگەرمەگەن، ءۇشىنشى بريتاندىق روۆەيدو ال-حاسسانمەن دە قارىم-قاتىناستارى جاقسىلىقپەن اياقتالماعان.
بريتاندىق روۆەيدو ال-حاسسانمەن ءوزىنىڭ سۇيىكتىسىمەن بىرگە سوت زالىنان ءبىر-اق شىققان. مۋنير مۇحاممەد حيميالىق زاتتار كومەگىمەن جارىلىس زاتتارىن جاساعان. دايىن تاعام دايىنداۋمەن اينالىساتىن سۋپەرماركەتتە جۇمىس ىستەپ ءجۇرىپ ۋدىڭ جاسالۋ جولدارىن زەرتتەگەن. ونىڭ سۇيىكتىسى روۆەيدا ال حاسسان فارماسيەۆتيكالىق ءبىلىمى بولعاندىقتان وعان كومەكتەسىپ وتىرعان.
روۆەيدا ەكەۋى بريتانياداعى مۇسىلماندارعا ارنالعان سايتتا تانىسقان. وسى ۋاقىت ارالىعىندا ول دايش تەرروريستىك ۇيىمىنىڭ ىقپالىنا تۇسكەن.
سۋداننىڭ اۋقاتتى وتباسىنان شىققان روۆەيدا لوندونعا بالا كەزدەن كوشىپ كەلگەن. تۇرمىسقا شىعىپ كۇيەۋىمەن فارماسيەۆتتىك كاسىپپەن اينالىسقان. الايدا كۇيەۋىنىڭ كوزىنە ءشوپ سالىپ جۇرگەنىن بىلگەن كەزدە، ەكى بالالارىنا قاراماي اجىراسۋعا بەل بايلايدى. وسىدان بارىپ، وزىنە لايىقتى ومىرلىك سەرىك ىزدەي باستايدى.
«مەن وزىمە قاراپايىم، ءادىل، ءتۇزۋ ادام ىزدەيمىن. ەڭ باستىسى - اللادان قورقاتىن ادام بولسا.. »،-دەپ جازعان ول ءوزىنىڭ سايتتاعى پروفيلىندە. مۋنير مۇحاممەد وعان ءدال وسىنداي ادام سەكىلدى كورىنگەن. ولار 3 ايعا جۋىق بىر-بىرىمەن چات ارقىلى، تەلەفون ارقىلى سويلەسىپ جۇرگەن.
«ءبىزدىڭ ارامىزدا ەرەكشە ەموسيانالدىق بايلانىس پايدا بولدى. سەزىم پايدا بولدى. ونىڭ ماعان دەگەن كوڭىلى مەن ءىلتيپاتى ۇنايتىن»-دەيدى قىز سوتتا بەرگەن جاۋابىندا.
ال مۋنير مۇحاممەد بولسا، ءوزىنىڭ سۇيىكتىسىن ومىرلىك سەرىگى رەتىندە قابىلداۋعا دايىن ەمەس ەدى. ول ءوزىنىڭ سۋداندا تۇراتىن، ءبىراق بىر-رەت تە كورمەگەن ايەلىمەن دە چات ارقىلى، تەلەفون ارقىلى سويلەسىپ جۇرگەن.
