بەيسەنبىدە اقش پرەزيدەنتى دونالد ترامپتىڭ گايتيدان جانە افريكا كونتينەنتىنەن كەلگەن يمميگرانتتاردى سىناۋى كونگرەسس مۇشەلەرىنىڭ نارازىلىعىن تۋعىزدى، دەپ جازادى Qamshy.kz اقپارات اگەنتتىگى شەتەلدىك ب ا ق مالىمەتىنە سۇيەنىپ.
اق ۇيدە زاڭ شىعارۋشىلارمەن يمميگراسيا ساياساتىنا قاتىستى كەزدەسۋ كەزىندە پرەزيدەنت «بوققا باتقان ەلدىڭ ادامدارىن ءبىز نە ءۇشىن قابىلداۋىمىز كەرەك؟» دەگەن.
ءبىرقاتار زاڭ شىعارۋشى-دەموكراتتار پرەزيدەنتتىڭ سوزدەرىنە نارازى بولىپ، ونى ءناسىلشىل دەپ اتاعان. ال رەسپۋبليكاشىل دەپۋتاتتار پرەزيدەنتتىڭ سوزدەرىنە كوڭىلى قالعانىن ايتقان. بۇل ءجايتتى The Washington Post سەنىمدى دەرەككوزى ارقىلى ءبىرىنشى بەتكە جاريالاعان.
باستى تاقىرىپ جاس كەزىندە امەريكاعا اتا-انالارى الىپ كەلگەن ميگرانتتاردى زاڭداستىرۋ ماسەلەسى بولعان.
اق ءۇيدىڭ باسپا ءسوز حاتشىسىنىڭ ورىنباسارى رادج شاح باسىلىمدا جاريالانعان اقپاراتتى تەرىسكە شىعارمادى. ول پرەزيدەنت ترامپ ەڭ ءبىرىنشى امەريكالىقتاردىڭ مۇددەسىنە جۇمىس ىستەيدى دەگەن.
