قازاقستاننىڭ سولتۇستىگىندە سۋىق انتيسيكلون اسەرىنەن اۋا تەمپەراتۋراسى تومەندەيدى، دەپ حابارلايدى Qamshy.kz اقپارات اگەنتتىگى قازگيدرومەت مالىمەتىنە سۇيەنىپ.
سينوپتيكتەردىڭ اقپاراتىنشا، رەسپۋبليكانىڭ سولتۇستىك ايماقتارىنا قاتتى جەل مەن اقتۇتەك بوران الىپ كەلگەن سۋىق اتموسفەرالىق اعىمدار باتىس ءسىبىردىڭ وڭتۇستىگىنە قاراي ىعىستى.
"ونىڭ ورنىنا رەسەيدىڭ ەۋروپالىق بولىگىنىڭ سولتۇستىك-باتىس ايماقتارىنان سۋىق انتيسيكلون جىلجىپ كەلەدى. سونىڭ اسەرىنەن رەسپۋبليكانىڭ باسىم اۋماعىندا كۇن سۋىتادى"، — دەيدى سينوپتيكتەر.
ال قازاقستاننىڭ وڭتۇستىك-شىعىس جانە شىعىس وڭىرلەرىندە الداعى كۇندەرى قار جاۋادى، ىلە الاتاۋىندا قالىڭ قار جاۋادى دەپ بولجانىپ وتىر. كۇننىڭ سۋىتۋىنا قاراماستان، رەسپۋبليكاداعى اۋا تەمپەراتۋراسى قالىپتى دەڭگەيگە جاقىن بولادى.
