نيۋ-يوركپەن (اقش) تىكەلەي بايلانىس ارقىلى وتكىزىلگەن باسپا ءسوز كونفەرەنسياسىندا بۇۇ باس حاتشىسىنىڭ ساياسي ماسەلەلەر جونىندەگى كومەكشىسى ميروسلاۆ ەنچا جانە بۇۇ قوعامدىق اقپارات دەپارتامەنتىنىڭ ستراتەگيالىق كوممۋنيكاسيالار ديرەكتورىنىڭ مىندەتىن اتقارۋشى يانوش تيسوۆسكيي بۇۇ قاۋىپسىزدىك كەڭەسىنىڭ جۇمىسى تۋرالى بايانداپ بەردى. سونىمەن قاتار، قازاقستاندىق ب ا ق وكىلدەرى ءۇشىن بۇۇ قاتىستى ونلاين-سەمينار وتكىزدى، دەپ حابارلايدى دەپ حابارلايدى Qamshy.kz اقپارات اگەنتتىگى. 

ميروسلاۆ ەنچا 1992 جىلى قازاقستان جاھاندىق حالىقارالىق ۇيىمنىڭ مۇشەسى اتاندى. وسى 25 جىلدان استام ۋاقىت ارالىعىندا حالىقارالىق قاتىناس جۇيەسىندە ءوز ورنىنا نىق ورنالاستى دەگەن وي ءبىلدىردى. «قازاقستاننىڭ بىلتىرعى جىلدىڭ قاڭتار ايىنان باستاپ قاۋىپسىزدىك كەڭەسىنىڭ مۇشەسى اتانۋى وعان دالەل. وزدەرىڭىز بىلەتىندەي، قاۋىپسىزدىك كەڭەس بۇۇ باستى التى ورگانىنىڭ ءبىرى جانە بەيبىت ءومىر مەن قاۋىپسىزدىك ءۇشىن جاۋاپتى. قاۋىپسىزدىك كەڭەس كۇندەلىكتى كۇن تارتىبىنە ەنگەن بۇكىل الەمدەگى قاۋىپسىزدىك پەن  بەيبىتشىلىككە قاتىستى ماسەلەلەردى شەشەدى. بيىلعى جىلدىڭ قاڭتارىنان باستاپ قازاقستان قك ءتوراعالىعىنا كىرىستى. بۇل وتە ماڭىزدى رول. ويتكەنى، قاۋىپسىزدىك كەڭەسىنىڭ ءتوراعاسى رەتىندە ول جيىندارعا شاقىرۋمەن اينالىسادى، كۇن ءتىرتىبىن بەلگىلەيدى، سونداي-اق قاۋىپسىزدىك كەڭەس اتىنان ءسوز  سويلەيدى. كەلەسى اپتادا قاۋىپسىزدىك كەڭەس ءۇشىن وتە ماڭىزدى وقيعالار بولادى. بۇل ەڭ الدىمەن، پرەزيدەنت نۇرسۇلتان نازاربايەۆتىڭ قاتىسۋىمەن يادرولىق قارۋسىزداندىرۋ مەن سەنىم شارالارىنا قاتىستى بولاتىن قك وتىرىسى.  ال 19 قاڭتار كۇنى، جۇمادا ورتالىق ازيا مەن اۋعانستان مالەلەلەرىنە قاتىستى جيىن وتكىزىلەدى»، - دەپ حابارلادى ميروسلاۆ ەنچا.

سپيكەر سيرياداعى شيەلەنىسكە ەرەكشە كوڭىل ءبولدى. پايىمىنشا، بۇل ماسەلەدە قازاقستان استانا پروسەسىن وتكىزۋدە ماڭىزدى رول اتقارادى. «سيريا ماسەلەسىنە قاتىستى 8 راۋند بولدى جانە استانا ساۋالىن قاراستىرۋداعى قازاقستاننىڭ ۇلەسى زور. بۇل تۋىنداعان شيەلەنىستى تومەندەتۋ، دەەسكالاسيا زونالارىن جاساقتاۋ. ماڭىزدىسى بۇۇ باس حاتشىسىنىڭ ارنايى وكىلى،   ستەفان دە ميستۋرا مىرزانىڭ جەتەكشىلىگىمەن جەنيەۆادا ءوتىپ جاتقان بۇل ماسەلەگە قاتىستى ساياسي پروسەستى قولدايدى، - دەدى بۇۇ باس حاتشىسىنىڭ كومەكشىسى.