اعىمداعى اپتا ايتۋلى وقيعالارعا تولى بولدى.  ەندەشە، اپتانى قورىتىندىلاپ كورەلىك.

بيلىكتەگىلەر نە دەيدى؟

ايەلدەردىڭ جاسى ەر ادامداردىڭ جاس مولشەرىنەن كەم بولۋى قاجەتتىلىگىنە قاراماستان، ايەلدەردىڭ زەينەتاقى قورى ەر ادامدارعا قاراعاندا كوبىرەك بولۋى قاجەتتىلىگى حابارلاندى. زەينەتاقى قورىنداعى جينالعان قاراجاتتىڭ جەتكىلىكتى دەڭگەيىنىڭ ارتۋى ايەلدەردىڭ ەڭ تومەنگى زەينەتاقىسى مەن زەينەتكەرلىك جاسىنىڭ ۇلعايۋىمەن بايلانىستى. 2018 جىلدىڭ 1 قاڭتارىنان باستاپ ەڭ تومەنگى زەينەتاقى 33 مىڭ 745 تەڭگە بولاتىنى ايتىلدى.

***

2001 جىلى تۋعان 6000-عا جۋىقتاي ءجاسوسپىرىم الماتى قالاسىنىڭ جەرگىلىكتى اسكەري باسقارۋ ورگاندارىنىڭ  اسكەري ەسەبىنە  الىنۋى كوزدەلىپ وتىر. ازاماتتاردى اسكەرگە شاقىرۋ ۋچاسكەلەرىنە تىركەۋ – بۇل اسكەرگە شاقىرۋ جاسىنا دەيىنگىلەردى اسكەري ەسەپكە قويۋ ءۇشىن جەرگىلىكتى اسكەري باسقارۋ ورگاندارىمەن بىرلەسىپ، ءتيىستى جەرگىلىكتى اتقارۋشى ورگاندار جۇرگىزەتىن اسكەري ەسەپكە الۋ ءىس-شارالارى بولىپ تابىلادى.

***

9 قاڭتاردا ەلباسى قازاقستان حالقىنا ماڭىزدى مالىمدەمە جاسادى  جانە  اقش-تىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى دجوردج كرولمەن كەزدەسۋ وتكىزدى. 

«استانا ەكسپو-2017» كومپانياسىنىڭ جاڭا باسشىسى بولىپ ەربول شورمانوۆ تاعايىندالدى. 

***

10 قاڭتاردا  ق ر پرەزيدەنتى نۇرسۇلتان نازاربايەۆتىڭ قازاقستان حالقىنا جولداۋى جاريالاندى.  جولداۋدا ءۇش ءتىلدى مەڭگەرگەن كەز كەلگەن ەتنيكالىق توپتىڭ وكىلى پرەزيدەنت بولا الاتىنى ايتىلدى. 

2018 جىلى زەينەتاقى مەن جاردەماقىنىڭ جانە مۇعالىمدەر جالاقىسىنىڭ نەشە پايىزعا وسەتىنىن حابارلادى. 

قازاقستان پرەزيدەنتى نۇرسۇلتان نازاربايەۆ اقوردادا ءبىرقاتار شەتەل ەلشىسىنەن  سەنىم گراموتاسىن قابىلدادى.  اتاپ ايتقاندا،  شۆەد كورولدىگىنىڭ ەلشىسى ماتس فويەر، كۋبا رەسپۋبليكاسىنىڭ ەلشىسى ەميليو پيەۆيدا پۋپو، ءۇندىستان رەسپۋبليكاسىنىڭ ەلشىسى پرابحات كۋمار، ۇلىبريتانيا جانە سولتۇستىك يرلانديا ەلىنىڭ ەلشىسى مايكل دجون گيففورد ق ر پرەزيدەنتىنە سەنىم گراموتاسىن تابىستادى.

قازاقستان پرەزيدەنتى بيىلعى 16-18 قاڭتاردا امەريكا قۇراما شتاتتارىنا رەسمي ساپارمەن باراتىنى حابارلاندى. 

مەملەكەت باسشىسىنىڭ جارلىعىمەن اسقار يسابەك ۇلى مىرزاحمەتوۆ جامبىل وبلىسىنىڭ اكىمى بولىپ تاعايىندالدى. 

2018 جىلى ءبىرقاتار زاڭ ءوز كۇشىنە ەندى. ونىڭ ىشىندە، كولىك جۇرگىزۋشىلەرىنە سالىناتىن ايىپپۇل كولەمى تومەندەيدى. پەدوفيلدەردى حيميالىق ءپىشتىرۋ جازاسى 2018 جىلدىڭ ءبىرىنشى قاڭتارىنان كۇشىنە ەندى. 

ەلىمىزدە 1 قاڭتاردان باستاپ ق ر نورماتيۆتىك قۇقىقتىق اكتىلەرىندەگى سالىق سالۋ ماسەلەلەرى جونىندەگى تۇزەتۋلەر كۇشىنە ەندى، سايكەسىنشە مىندەتتى الەۋمەتتىك مەديسينالىق ساقتاندىرۋدى ەنگىزۋ مەرزىمى 2018 جىلدان 2020 جىلعا اۋىستىرىلدى.

***

2018 جىلداعى ۇكىمەتتىڭ العاشقى وتىرىسىندا ق ر پرەمەر-مينيسترى باقىتجان ساعىنتايەۆ ەلباسىنىڭ جولداۋىنا قاتىستى ءبىرقاتار تاپسىرمالار جۇكتەدى. 

مەملەكەت باسشىسى «قازاقستان رەسپۋبليكاسى مەن تۇركىمەنستان اراسىنداعى ستراتەگيالىق ارىپتەستىك تۋرالى شارتتى راتيفيكاسيالاۋ تۋرالى» قازاقستان رەسپۋبليكاسىنىڭ زاڭىنا، «قازاقستان رەسپۋبليكاسى مەن تۇركىمەنستان اراسىنداعى قازاقستان-تۇركىمەن مەملەكەتتىك شەكاراسىن شەگەندەۋ تۋرالى كەلىسىمدى راتيفيكاسيالاۋ تۋرالى» قازاقستان رەسپۋبليكاسىنىڭ زاڭىنا جانە مەملەكەتتىك اۋديت جانە قارجىلىق باقىلاۋ جۇەسىن جەتىلدىرۋگە باعىتتالعان «مەملەكەتتىك اۋديت جانە قارجىلىق باقىلاۋ تۋرالى» قازاقستان رەسپۋبليكاسىنىڭ زاڭىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى. 

اللەن ءشايجۇنىسوۆ «استانا ەكسپو-2017» ۇك» اق باسقارما ءتوراعاسىنىڭ ورىنباسارى بولىپ تاعايىندالدى. 

***

ق ر اقپارات جانە كوممۋنيكاسيا مينيسترلىگى ۇلتتىق اقپاراتتىق كەڭىستىكتىڭ اۆتوماتتاندىرىلعان مونيتورينگ جۇيەسىن ءوز يەلىگىنە الادى. «ۇلتتىق اقپاراتتىق كەڭىستىكتىڭ اۆتوماتتاندىرىلعان مونيتورينگ» جۇيەسىن قۇرۋ ماقساتىندا رەسپۋبليكالىق بيۋدجەتتەن 1،671 ميلليارد تەڭگە ءبولىندى.

***

2017 جىلى جەلتوقساندا جۇمىسسىز جۇرگەن ادامداردىڭ سانى 441،8 مىڭدى قۇرادى. 2017 جىلعى قاراشادا حالىقتىڭ جان باسىنا شاققانداعى اتاۋلى اقشالاي تابىسى 81 مىڭ تەڭگەنى قۇرادى، بۇل ءبىر جىل بۇرىنعىدان 1،5% تومەن ەكەنى بەلگىلى بولدى. 

شەتەلدە نە جاڭالىق بار؟

8 قاڭتاردا تۇركىمەنستاندا 2017 جىلدىڭ جەلتوقسانىنان باستاپ ايەلدەرگە كولىك جۇرگىزۋگە تىيىم سالىندى. ال  يراندا باستاۋىش مەكتەپتەردە اعىلشىن ءتىلىن وقىتۋعا تىيىم سالىندى. 

ال قاڭتاردىڭ توعىزىندا كحدر مەن وڭتۇستىك كورەيا  مينيسترلىك دەڭگەيىندە ءوزارا كەلسىسسوز جۇرگىزۋدى، اتاپ ايتقاندا اراداعى قارىم-قاتىناستى جاقسارتۋعا باعىتتالعان العاشقى قادامدى جاسادى. 

***

بۇكىلالەمدىك بوكس كەڭەسى (WBC) قازاقستاندىق گەنناديي گولوۆكيندى 2017 جىلدىڭ ۇزدىك بوكسشىسى دەپ تانىدى.

وڭتۇستىك كورەيا كورشىلەس سولتۇستىك كورەيا سپورتشىلارىنىڭ ءپحونچحانداعى وليمپيادا ويىندارىنا قاتىسۋى ءۇشىن وسى ەلگە سالىنعان سانكسيالاردى جەڭىلدەتۋى مۇمكىن. بۇل تۋرالى وڭتۇستىك كورەيا سىرتقى ىستەر مينيسترلىگىنىڭ وكىلى نو گيۋ دوك مالىمدەدى. 

***

وزبەكستان قىرعىزستاندا اۆتوموبيلدەرگە قىزمەت كورسەتۋ، اۋىل شارۋاشىلىعى تەحنيكاسىن قۇراستىرۋ، پلاستيكا بۇيىمدارىن شىعارى جانە باسقا دا باعىتتارداعى توعىز كاسىپورىن اشاتىنى حابارلادى. 

***

اقش پرەزيدەنتى ءوزىنىڭ كحدر ليدەرى كيم چەن ىنمەن جاقسى قارىم-قاتىناستا ەكەندىگىن جەتكىزدى. ەكى ەل اراسىنداعى شيەلەنىسكەن بايلانىس رەتىن تاۋىپ جاتقان كورىنەدى. 

***

ساۋد ارابياسى ۇكىمەتى ۆيزانى 25 جاستان ۇلكەن، ەر ادامسىز ساياحاتتايتىن ايەلدەرگە بەرەتىن بولدى. 

اق ۇيدە زاڭ شىعارۋشىلارمەن يمميگراسيا ساياساتىنا قاتىستى كەزدەسۋ كەزىندە ترامپ «بوققا باتقان ەلدىڭ ادامدارىن ءبىز نە ءۇشىن قابىلداۋىمىز كەرەك؟» دەپ كونگرەسس مۇشەلەرىنىڭ نارازىلىعىن تۋعىزدى.  

قىتايدىڭ سۋدجوۋ قالاسىندا 19 جاستاعى قازاقستاندىق ستۋدەنت قىز 14ء-ىنشى قاباتتان قۇلاپ، قازا بولدى. وقيعا 1 جەلتوقساندا شانحاي قالاسىنان 100 شاقىرىم جەردە ورنالاسقان سۋدجوۋ قالاسىندا بولدى. 1999 جىلى الماتى وبلىسىندا تۋعان ستۋدەنت قىز سۋدجوۋ قالاسىنداعى ۋنيۆەرسيتەتتەردىڭ بىرىندە 2-كۋرستا وقىپ جۇرگەن.

***

كاليفورنيادا تولاسسىز جاۋعان جاڭبىر سالدارىنان 18 ادام كوز جۇمدى. ونىڭ ىشىندە 2 بالا بار. تاعى 28 ادام جاراقات الدى.

شوۋ-بيزنەستە نە حابار؟ 

وتاندىق باسىلىمدار   پروديۋسەر بايان الاكوزوۆا، ءانشى تورەعالي تورەالى جانە اكتريسا، بلوگەر ايجان بايزاكوۆا جايىندا جارىسا جازىپ جاتىر.

ءانشى مەرۋەرت تۇسىپبايەۆا وزىنە ءتىل تيگىزىپ، قوقان-لوقى كورسەتكەن بايان الاكوزوۆا مەن باعىم مۇحيتدەنوۆانى سوتقا بەرەتىنىن ايتتى.  ال تورەعالي تورەالىنىڭ مۋزىكالىق پروديۋسەرى جان مۇقانوۆ ءانشى جايىندا جازدى. ال اتىشۋلى ايجان بايزاكوۆا تىلشىلەرگە سۇحبات بەردى. 

***

تورەعالي ءتورالى مەن ءمولدىر اۋەلبەكوۆانىڭ "سەن بولماساڭ" انىنە تۇسىرگەن بەينەبايانى جارىققا شىقتى.

***

قازاقستاندىق پروديۋسەر بايان الاگوزوۆا تۇسىرگەن «قوزى كورپەش – بايان سۇلۋ» سەريالى حالىق اراسىندا قىزۋ تالقىلانعان ەدى. اسىرەسە، سىناپ، سەريالدىڭ ۇلتتىق ارنادان الىنىپ تاستاۋىن تالاپ ەتكەندەر كوپ بولدى. وسى تۇستا بايان الاكوزوۆانىڭ اكەسى ماقسات مۇحيتدەنوۆ تاعى دا حات جازدى. 

حاس سۇلۋدىڭ كوز جاسىنداي، ءمولدىر ونەر - تەاتر 

8 قاڭتاردا الماتى قالاسىندا مۇحتار اۋەزوۆ اتىنداعى دراما تەاترىنىڭ ديرەكتورى ەرلان ءبىلالدىڭ ىسىنە قاتىستى باسپا ءسوز كونفەرەنسياسى ءوتتى. كونفەرەنسيادا ق ر تەاتر ونەرى قاۋىمداستىعى 1،5 ميلليون تەڭگە كولەمىندە پارامەن ۇستالعان تەاتر ديرەكتورى ەرلان ءبىلالعا اراشا ءتۇسىپ،  ءوز پىكىرلەرىن ورتاعا سالدى. 

اتالمىش باسپا ءسوز كونفەرەنسياسىندا ەلىمىزگە بەلگىلى اكتەر ءاسانالى ءاشىموۆ تە ءوز پىكىرىن ءبىلدىردى. 

9 قاڭتاردان باستاپ مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ ديرەكتورى مىندەتىن جانداربەك سادىربايەۆ اتقاراتىن بولدى.

وزگە دە جاڭالىقتار

9 قاڭتاردا قاراعاندىدا زاڭسىز ميسسيونەرلىك قىزمەتپەن اينالىسقان پسيەۆدوسالافيتتىك ۋاعىزشى دارىن ءمۇباروۆ اكىمشىلىك جاۋاپكەرشىلىككە تارتىلدى.

11 قاڭتاردا ەلىمىزدىڭ سولتۇستىك وڭىرلەرىندە بوران سوعىپ، قىتىمىر قىس اشۋىنا ءمىندى. ناتيجەسىندە استانا قالاسى مەن ەلىمىزدىڭ ءتورت وبلىسىندا اۋا رايىنىڭ ناشارلاۋىنا بايلانىستى جولدار جابىلدى.

 تابيعي جاعدايدىڭ كۇرت وزگەرۋىنە بايلانىستى، استانا قالاسىنىڭ اكىمى اسەت يسەكەشيەۆتىڭ شەشىمىمەن تابيعي سيپاتتاعى توتەنشە جاعداي جاريالاندى. 

***

Facebook الەۋمەتتىك جەلىسىنىڭ نەگىزىن قالاۋشى مارك سۋكەربەرگ الداعى ۋاقىتتا اتالمىش جەلىدە ورىن الاتىن وزگەرىستەر جايىندا ايتتى. 

استانادا ۇلتتىق ۇلان جاۋىنگەرلەرى قۇدىققا ءتۇسىپ كەتكەن ايەلدى قۇتقاردى. 

***

لوندون مەن نيۋ-يوركتەگى شيكىزات بيرجاسىنداعى ساۋدا قورىتىندىسى بويىنشا، مۇناي باعاسى ءوستى. ساۋدا قورىتىندىسى بويىنشا، Brent ماركىلى مۇنايدىڭ ناۋرىزداعى جەتكىزىلىم بويىنشا فيۋچەرستەرىنىڭ قۇنى لوندوندىق ICE Futures بيرجاسىندا 0،61 دوللارعا ارتىپ، باررەلىنە 69،87 دوللار بولدى.

شولۋشى: ايگەرىم تاۋباي