حالىقارالىق فوتوگرافتاردىڭ تاعى ءبىرى قازاقستاندىق 500 تەڭگەدەن ءوز سۋرەتىن تانىدى. كانادالىق كەيت تەستەر ەسىمدى فوتوگراف قازاقستاندىق شۋلى 500 تەڭگەدەن  «ءوزىنىڭ» شاعالاسىن تاپتى، دەپ جازادى Qamshy.kz اقپارات اگەنتتىگى sputniknews.kz مالىمەتىنە سۇيەنىپ. 

ايتا كەتسەك، ۇلتتىق بانك  500 تەڭگەنى وتكەن جىلى قاراشادا اينالىمعا شىعارعان بولاتىن.

«كەز كەلگەن فوتوگراف ءوزىنىڭ جۇمىسىن (سۋرەتىن رەد.) بىردەن تانيدى. بۇل سۋرەتىم 2010 جىلى 8 ماۋسىمدا تۇسىرىلگەن. سۋرەتشىلەر سايتى مەن Deviantart فوتوگرافتارىنىڭ سايتىنا جۇكتەلگەن بولاتىن.  شاعالانى كانادانىڭ پرينس ەدۋارد گرافتىعىندا  سەندبەنكس ساياباعىندا تۇسىرگەنمىن» دەپ جازدى فوتوگراف كەيت تەستەر.

ايتا كەتسەك، بۇعان دەيىن شۆەيساريالىق فوتوگراف مارسەل بۋركارد قازاقستاندىق بانكنوتتان ءوزى تۇسىرگەن شاعالاسىن تانىعان حابارلانعان بولاتىن. 

كانادالىق فوتوگراف مارسەل بۋركحاردىڭ ءوز سۋرەتىن تانىعانىنان حاباردار ەكەنىن ايتتى.

قازاقستان ۇلتتىق بانكىنىڭ سىياقىسىنا كەلەر بولساق، فوتوگراف ءوزىنىڭ اۆتورلىعىن مويىنداعانىن قالايدى، سونداي-اق سۋرەتتى رۇقساتسىز پايدالانعانى ءۇشىن وتەماقى تالاپ ەتپەك.

«بۇل مەنىڭ اۆتورلىق سۋرەتىم بولعاندىقتان جانە سۋرەتىم رۇحساتسىز پايدالانىلعاندىقتان وتەماقى تولەنۋ كەرەك دەپ ويلايمىن» دەپ ايتىپ ءوتتى تەستەر.