بۇگىن الماتىدا  «قازاقستان مەن رەسەي:  دوستىق جانە تاتۋ كورشى جولىمەن» اتتى  دوڭگەلەك ۇستەل ءوتتى. وندا قازاقتىڭ قوعام قايراتكەرى، الاش ارىسى  احمەت بايتۇرسىنوۆ شىعارماشىلىعىنا ارنالعان «احمەت بايتۇرسىنوۆتىڭ ورىنبورداعى جولى»  كىتابىنىڭ تۇساۋى كەسىلدى دەپ حابارلايدى  Qamshy.kz اقپارات اگەنتتىگىنىڭ ءتىلشىسى.

كىتاپ اۆتورى ورىنبور مەملەكەتتىك پەداگوگيكالىق ۋنيۆەرسيتەتىنىڭ «رەسەي تاريحى» كافەدراسىنىڭ دوسەنتى تاتيانا يۆانوۆنا تۋگاي ەڭبەگىنىڭ تۇساۋكەسەرى ۇلكەن "عىلىم ورداسىندا" ءوتىپ جاتقانىنا ەرەكشە قۋانىشتى ەكەنىن جەتكىزدى.

شارانى ۇيىمداستىرۋشى ورىنبور وبلىستىق «حالىقتار دوستىعى ءۇيى» قوعامدىق ۇيىمىنىڭ ءتورايىمى، «بايتەرەك» قايىرىمدىلىق قورىنىڭ باسقارما ءتورايىمى ساۋلە سوۆحوز قىزىنىڭ ايتۋىنشا،   دوڭگەلەك ۇستەلدىڭ  ماقساتى -  ورىنبور قازاقتارى قاۋىمداستىعىنا بۇعان دەيىن بەلگىسىز بولعان احمەت بايتۇرسىنوۆتىڭ اتىن تانىتۋ، سونىمەن بىرگە الاشتىڭ 100 جىلدىعىنا وراي كىتاپ شىعارۋ بولاتىن.

«كورشىلەرىمىز قازاقستاندى ءبىلسىن، وقۋ ورىندارىمەن، عىلىم اكادەميالارىمەن تانىسسىن دەگەن ماقساتتا وسى شارانى ۇيىمداستىرىپ وتىرمىز. تاتيانا يۆانوۆنانى ءبىرىنشى رەت كورىپ تۇرعان جوقپىن، ونىمەن بۇرىننان تانىسپىز. 20 جىل بويى ت.يۆانوۆانانىڭ الاش زيالىلارى تۋرالى ماقالالارىمەن، باياندامالارىن وقىپ جيناققا جاريالاپ جۇردىك. حالىقارالىق فورۋمداردىڭ بىرىندە بۇل كىسىنىڭ ا.بايتۇرسىنوۆ تۋرالى بايانداماسىن تىڭداپ، وسى ەڭبەرىن جيناپ، بىرىكتىرىپ الاشتىڭ 100 جىلدىعانا قاراي كىتاپ ەتىپ شىعارۋ كەرەك دەپ ويلادىم. بىلتىرعى جىلدىڭ ناۋرىزىندا وسى كىتاپتى جارىققا شىعارىمىز دەپ شەشتىك»،-دەيدى ول.

«احمەت بايتۇرسىنوۆ ورىنبورداعى جولى» كىتابى «بايتەرەك» قايىرىمدىلىق قورىنىڭ دەمەۋشىلىگىمەن 500  تيراجبەن جارىققا شىقتى. الداعى ۋاقىتتا كىتاپ لاتىن تىلىندە دە جارىق كورەدى،-دەيدى س. سوۆحوز قىزى.

 ءىس-شارانى  ش.ش. ءۋاليحانوۆ اتىنداعى تاريح جانە ەتنولوگيا ينستيتۋتى، ا. بايتۇرسىنوۆ اتىنداعى ءتىل ءبىلىمى ينستيتۋتى، ورىنبور وبلىستىق «حالىقتار دوستىعى ءۇيى» قوعامدىق ۇيىمى (رف)، «بايتەرەك» قايىرىمدىلىق قورى (رف)، حالىقارالىق «قازاق ءتىلى» قوعامى ۇيىمداستىرعان. شاقىرىلعان، بايانداما وقىعان قوناقتار قاتارىندا ا. بايتۇرسىنوۆ اتىنداعى ءتىل ءبىلىمى ينستيتۋتىنىڭ ديرەكتورى ەردەن قاجىبەك، ش.ش. ءۋاليحانوۆ اتىنداعى تاريح جانە ەتنولوگيا ينستيتۋتىنىڭ ديرەكتورى زيابەك قابىلدينوۆ، سونىمەن بىرگە ورىنبور مەملەكەتتىك پەداگوگيكالىق ۋنيۆەرسيتەتىنىڭ «رەسەي تاريحى» كافەدراسىنىڭ مەڭگەرۋشىسى ليۋبيچانكوۆسكيي سەرگەي ۆالەنتينوۆيچ جانە ت.ب بولدى.

ا.بايتۇرسىنوۆ، ءومىرى مەن شىعارماشىلىعىنىڭ از زەرتتەلگەن، كوپشىلىك بىلە بەرمەيتىن تۇستارى ورىنبور ولكەسىمەن تىعىز بايلانىستى. دەمەك، كىتاپتىڭ ماڭىزىدىلىعى دا وسىندا. احمەت بايتۇرسىنوۆتىڭ ورىنبورداعى تىرشىلىگى، شىعارماشىلىعى مەن ەڭبەگىن تانىتۋ، حالىققا جەتكىزۋ.