الماتى قالاسى پروكۋرورى عابيت ميرازوۆ قىزمەتىنەن بوساتىلدى، دەپ حابارلايدى Qamshy.kz اقپارات اگەنتتىگى. بۇل جايىندا ق ر باس پروكۋراتۋراسىنىڭ باسپا ءسوز قىزمەتى مالىمدەدى. 

قازاقستان رەسپۋبليكاسى باس پروكۋرورىنىڭ بۇيرىعىمەن تارتىپتىك تەرىس قىلىعى ءۇشىن الماتى قالاسى پروكۋرورى ع.ت.ميرازوۆ لاۋازىمىنان بوساتىلدى.  سونداي-اق قاداعالاۋ قىزمەتىن لايىقتى ۇيىمداستىرماعانى، قىلمىستىق پروسەستە جۇيەلى بۇزۋشىلىقتارعا جول بەرگەنى جانە سوتتا مەملەكەت مۇددەسىنە ءتيىمسىز وكىلدىك ەتكەنى ءۇشىن اقتوبە وبلىسى پروكۋرورىنىڭ ورىنباسارى د.ن. سىزدىقوۆ پەن وڭتۇستىك قازاقستان وبلىسى پروكۋرورىنىڭ ورىنباسارى ا.ا.قوجاحمەتوۆ اتقارعان قىزمەتتەرىنەن بوساتىلدى. 

اقتوبە وبلىسىنىڭ پروكۋرورى م.ج. قايىبجانوۆ، اقمولا وبلىسىنىڭ پروكۋرورى ت.ع. تاشىمبايەۆ، سولتۇستىك قازاقستان وبلىسىنىڭ پروكۋرورى ب.ن. اسىلوۆ، سونداي-اق ءبىرقاتار وبلىس پروكۋرورلارىنىڭ ورىنباسارلارى، ونىڭ ىشىندە پاۆلودار وبلىسى پروكۋرورىنىڭ ورىنباسارى ب.ك. مىرزاكەروۆ، الماتى وبلىسى پروكۋرورىنىڭ ورىنباسارى س.س. باكيروۆ، قىزىلوردا وبلىسى پروكۋرورىنىڭ ورىنباسارى ج.ب. ەلامانوۆ، اتىراۋ وبلىسى پروكۋرورىنىڭ ورىنباسارلارى س.ر. شالابايەۆ، م.ا. تولەۋبايەۆ، ماڭعىستاۋ وبلىسى پروكۋرورىنىڭ ورىنباسارى ا.ا. دوسەكەنوۆ، جانە تاراز قالاسىنىڭ پروكۋرورى ب.س. سەيىلحانوۆ پەن قاراعاندى وبلىسى قازىبەك بي اۋدانى پروكۋرورى د.س.قاراجاسپايەۆ ءارتۇرلى تارتىپتىك جاۋاپكەرشىلىككە تارتىلدى.