ينۆەستيسيالار كوميتەتىنىڭ ءتوراعاسى قىزمەتىنە ەرلان قارتاي ۇلى قايىروۆ تاعايىندالدى، دەپ جازادى Qamshy.kz اقپارات اگەنتتىگى. بۇل جايىندا پرەمەر-مينيستردىڭ باسپا ءسوز قىزمەتى حابارلادى. 

ەرلان قايىروۆ 1978 جىلى قاراعاندى قالاسىندا دۇنيەگە كەلگەن. 1999 جىلى ە. ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن ءتامامداعان. ماماندىعى — حالىقارالىق ەكونوميكالىق قاتىناستار.

ەڭبەك جولىن 1997 جىلى باستاعان. 1997–2002 جىلدارى مەملەكەتتىك ورگانداردا ءتۇرلى لاۋازىمداردى اتقارعان. 2002–2006 جىلدارى ق ر پرەمەر-مينيسترى كەڭسەسىنىڭ سىرتقى بايلانىستار ءبولىمى مەڭگەرۋشىسىنىڭ ورىنباسارى، ق ر پرەزيدەنتى اكىمشىلىگىنىڭ مەملەكەتتىك باقىلاۋ جانە ۇيىمداستىرۋ جۇمىسى ءبولىمىنىڭ باس ينسپەكتورى قىزمەتتەرىن اتقارعان. 2006–2011 جىلدارى ۇلتتىق كومپانيالاردا ءتۇرلى لاۋازىمداردى اتقارعان. 2011–2014 جىلدارى يندۋستريا جانە جاڭا تەحنولوگيالار مينيسترلىگىندە باسقارۋشىلىق قىزمەتتەردى اتقارعان. 2014–2016 جىلدارى ينۆەستيسيالار جانە دامۋ مينيسترلىگىنىڭ ينۆەستيسيالار كوميتەتىنىڭ ءتوراعاسى بولعان. 

2016 جىلدىڭ مامىرىنان قازىرگى تاڭعا دەيىن ينۆەستيسيالار جانە دامۋ ۆيسە-مينيسترى قىزمەتىن اتقارعان.