سينوپتيكتەر 1-3 اقپانعا ارنالعان اۋا رايى بولجامىن ايتتى، دەپ جازادى Qamshy.kz اقپارات اگەنتتىگى "قازگيدرومەت" رمك وكىلدەرىنە سىلتەمە جاساي وتىرىپ.
اتلانتيكالىق سيكلونمەن بايلانىستىرىلعان جىلى اۋا ماسسالارى قازاقستانعا وتە باياۋ جىلجۋدا. مۇنىڭ سەبەبى رەسپۋبليكانىڭ اۋا-رايىنا سۋىق جانە قۋاتتى ءسىبىر انتيسيكلونىنىڭ تيگىزگەن اسەرى بولىپ تابىلادى. ءبىراق باستالعان جىلۋدى توقتاتا المايدى.
الداعى ءۇش تاۋلىكتە، سيكلون جانە ونىمەن بايلانىستى اتموسفەرالىق فرونتتار، قازاقستان اۋماعى ارقىلى ءوتىپ، تەمپەراتۋرانىڭ كوتەرىلۋىن عانا ەمەس، جول-جونەكەي بوران، قار جاۋۋ، قاتتى باتىس جەلىن، وڭتۇستىك اۋداندارعا كوكتايعاق الىپ كەلەدى. وسى كەزەڭدە اۋا تەمپەراتۋراسى كليماتتىق نورماعا جۋىق بولادى.
پىكىر قالدىرۋ