الداعى دەمالىس كۇندەرى قازاقستانداعى اۋا رايىن سيكلون جانە ونىمەن بايلانىستى اتموسفەرالىق فرونتتار انىقتايتىن بولادى. رەسپۋبليكانىڭ كوپتەگەن وڭىرلەرىندە قار، بوران جانە ەكپىندى جەل، ال ەلدىڭ وڭتۇستىگىندە كوكتايعاق، تۇمان بولادى. بۇل جايىندا Qamshy.kz اقپارات اگەنتتىگى قازگيدرومەت مالىمەتىنە سۇيەنىپ حابارلايدى.
دۇيسەنبىدەگى قىسقا مەرزىمدى جىلۋدان كەيىن، اۋا تەمپەراتۋراسى قايتا تومەندەيدى. ال باتىس قازاقستاندا تەمپەراتۋرانىڭ جوعارىلاۋى جالعاسىپ، نورمادان 3-8 گرادۋسقا دەيىن كوتەرىلەدى. قازاقستاننىڭ قالعان اۋماعىندا بۇل كۇندەرى اۋا تەمپەراتۋراسى ورتاشا قالىپتى ساقتايدى.
