«جاھاندانۋ داۋىرىندەگى سيفرلىق كۇن ءتارتىبى» فورۋمىندا ق ر پرەمەر-مينيسترى باقىتجان ساعىنتايەۆ سيفرلىق كۇن ءتارتىبى اياسىندا قازاقستاننىڭ اتقارىپ جاتقان جۇمىسىن باياندادى، دەپ حابارلايدى Qamshy.kz اقپارات اگەنتتىگى.

–قازاقستان ەكى جىل ۇكىمەت بولىپ سيفرلىق كۇن ءتارتىبى اياسىندا ءومىر سۇرەدى. مەنىڭشە، ءبىز كەتىپ بارا جاتقان پويىزعا ىلەستىك. كۋپەگە جەتكەندە ارىپتەستەرىمزدى كوردىك. ەندى ءبىز ءبىر-بىرىمىزدى قولداپ، بىرگە قوزعالىپ كەلەمىز. ەلەكتروندىق قىزمەتتەر تۋرالى ون جىل بۇرىن ەنگىزە باستادىق. بۇگىنگى كۇنگى مۇمكىندىكتەرگە قاراساق، ءبىز قوعام سۇرانىسىنان قالىپ كەلەمىز. سوندىقتان امبسيالىق ماقساتتاردى قولعا الدىق. مەملەكەتتىك قىزمەتتەردىڭ 80 پايىزىن ەلەكتروندىق نۇسقاعا اۋىستىرۋدى كوزدەپ وتىرمىز. اۋىلدارعا، مەكتەپتەرگە جەتكىلىكتى ينەترنەت مۇمكىندىكتەرىن جداسادىق. 2020 جىلعا دەيىن بارلىق بازالىق ەلدى مەكەندەردى ينتەرنەتپەن قامتاماسىز ەتەمىز. بۇل جەردە ءبىلىم دەڭگەيى دە قالىس قالماۋى كەرەك، ارينە.

سيفرلاندىرۋدان قالساڭ، تاس داۋىرىندە قالعانداي بولاسىڭ. سول سەبەپتى وسى ماسەلەنى قولعا الىپ، بارلىق سالانى وسى باعدارلاماعا قاراي بۇرىپ كەلەمىز. ەگەر بارلىق باعىتتار بويىنشا جىلجىساق، مەجەگە جەتەمىز. ول ءۇشىن ءتيىستى ەكو جۇيە كەرەك»، – دەدى ساعىنتايەۆ.

بىلتىر قازاقستاننىڭ ءۇشىنشى جاڭعىرۋى ىسكە قوسىلدى. يندۋستريالداندىرۋ باعدارلاماسى دا ءساتتى ىسكە اسىرىلۋدا. ساعىنتايەۆتىڭ ايتۋىنشا، يندۋستريالاندىرۋ ارتىقشىلىقتارىن قولدانا وتىرىپ، نەعۇرلىم يننوۆاسيالىق بولا تۇسەدى جانە نازاربايەۆ ۋنيۆەرسيتەتى، احقو جانە حالىقارالىق ات تەحنوپارك سياقتى يننوۆاسيالىق ورتالىقتاردىڭ اينالاسىنا شوعىرلاناتىن بولادى.

–ينفراقۇرىلىمداردى بارىنشا قالىپتاستىرىپ كەلە جاتىرمىز. سونداي-اق ءتورت ەركىندىكتى العا تارتىپ وتىرمىز. بىرىنشىدەن، سيفرلىق قىزمەتتەرىمىزدى باسقا ەلدەرگە قول جەتىمدى ەتۋىمىز كەرەك. ەكسپو اۋماعىندا IT HUB قۇردىق. ونى جارتى جىلدان كەيىن ىسكە قوسامىز. ول تۋرالى زاڭدار شىعارىلدى. ءابسوليۋتتى اعىلشىن ءتىلى نەگىزىندەگى زاڭ قابىلداندى. سول ارقىلى الەمدەگى تالانتتاردى تارتۋدى كوزدەپ وتىرمىز. وسى تۋراسىندا كوپ جۇمىس اتقارامىز.

قاۋىپسىزدىك تۋراسىندا دا جۇمىستار اتقارىلۋدا. جالپى سيفرلىق پلاتفورما تۋراسىندا ايتساق، ەشقانداي شەڭبەر جوق، شەكتەۋ جوق، – دەدى ول.

2 اقپاندا الماتىدا قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ باستاۋىمەن «جاھاندانۋ داۋىرىندەگى سيفرلىق كۇن ءتارتىبى» اتتى حالىقارالىق فورۋم باستالدى.

القالى جيىنعا ارمەنيا، بەلارۋس، قازاقستان، قىرعىزستان، رەسەي، وزبەكستان جانە تاجىكستان پرەمەر-مينيسترلەرى، سونداي-اق الەمدىك IT سالىسىنىڭ ماماندارى جينالدى.