استانادا باس ءمۇفتي سەرىكباي قاجى ورازدىڭ توراعالىعىمەن وتكەن كەزەكتى رەسمي جينالىستا ەلىمىزدەگى ءدىن قىزمەتكەرلەرىنە وسىنداي ۇران تاستادى دەپ حابارلايدى Qamshy.kz اقپارات اگەنتتىگى قمدب-نىڭ باسپا ءسوز قىزمەتىنە سىلتەمە جاساپ. 

جينالىسقا ءبىرىنشى نايب ءمۇفتي، «ازىرەت سۇلتان» مەشىتىنىڭ باس يمامى ناۋرىزباي قاجى تاعان ۇلى، نايب مۇفتيلەر – الاۋ ءادىلباي، باۋىرجان ەسماحان، قمدب اپپارات جەتەكشىسى عىلىمبەك ماجييەۆ، ءمۇفتيات قىزمەتكەرلەرى قاتىستى. 

«اللا تاعالا قاسيەتتى قۇران كارىمنىڭ «راعىد» سۇرەسىنىڭ 11-اياتىندا: «ءقايبىر قاۋىم ءوزىن-وزى وزگەرتپەيىنشە اللا ونى وزگەرتپەيدى»، – دەپ بايانداعان. جاڭا قىزمەتىمدە ءدىن قىزمەتكەرلەرى اراسىندا «وزگەرۋدى وزىڭنەن باستا!» دەگەن ۇران تاستايمىن. ەگەر ادام وزگەرسە، ونىڭ كورشىسى وزگەرەدى. ودان كەيىن قوعام وزگەرەدى. بۇل ماسەلەدە ءار ادامنىڭ ويى، سانا-سەزىمى وزگەرۋى ماڭىزدى»، – دەپ اتاپ ءوتتى باس ءمۇفتي سەرىكباي قاجى وراز.

قمدب ءتوراعاسى س.ساتىبالدى ۇلى نايب مۇفتيلەرگە وسى باستاما اياسىندا كەشەندى باعدارلاما قابىلداپ، يگى جوبالاردى جۇزەگە اسىرۋدى تاپسىردى.