ەلباسى نۇرسۇلتان نازاربايەۆ ۇلتتىق بانك ءتوراعاسى دانيار اقىشيەۆپەن كەزدەستى، دەپ جازادى Qamshy.kz اقپارات اگەنتتىگى اقوردا مالىمەتىنە سۇيەنىپ. 

كەزدەسۋ بارىسىندا قازاقستان پرەزيدەنتىنە ۇلتتىق بانكتىڭ 2017 جىلى اتقارعان جۇمىسىنىڭ قورىتىندىسى جونىندەگى ەسەبى ۇسىنىلدى.

دانيار اقىشيەۆ ەلباسىعا ۇلتتىق بانكتىڭ قازىرگى قىزمەتى، اقشا-نەسيە ساياساتىنىڭ باستى باعىتتارى، سونداي-اق ەلىمىزدىڭ قارجى نارىعىنداعى احۋال تۋرالى باياندادى.

ۇلتتىق بانك ءتوراعاسىنىڭ ەسەبىنە سايكەس، 2017 جىلى ينفلياسيا دەڭگەيى 7،1 پايىزدى قۇراپ، جىل سوڭىندا التىن-ۆاليۋتا قورىنىڭ كولەمى 30،7 ميلليارد اقش دوللارىنا جەتكەن.

– قاڭتار ايىندا احۋال ودان دا جاقسارا ءتۇستى. بانك رەزەرۆتەرى تاعى 3 پايىزعا ءوسىپ، 31،7 ميلليارد اقش دوللارىنا جەتتى. ۇلتتىق قوردىڭ شەتەل ۆاليۋتاسىنداعى اكتيۆتەرى 58،3 ميلليارد اقش دوللارىن قۇرادى. 2018 جىلعى قاڭتاردا ينفلياسيا دەڭگەيى 0،6 پايىز بولدى. بۇل ءبىزدىڭ بيىلعا بەلگىلەگەن – بەستەن جەتى پايىزعا دەيىنگى ارالىقتاعى جاڭا ولشەمىمىزگە ەنىپ وتىر، – دەدى د.اقىشيەۆ.

كەزدەسۋ قورىتىندىسى بويىنشا مەملەكەت باسشىسى ءبىرقاتار ناقتى تاپسىرما بەردى.