استانادا «Kazakh Invest» باسقارما ءتوراعاسى ساپاربەك تۋياكبايەۆ جۇڭگو حالىق رەسپۋبليكاسىنىڭ قازاقستانداعى ەلشىسى حانحۋەي چجانو مىرزامەن كەزدەستى، دەپ جازادى Qamshy.kz اقپارات اگەنتتىگى.

كەزدەسۋ بارىسىندا تاراپتار «ءبىر بەلدەۋ، ءبىر جول» باستاماسى شەڭبەرىندەگى ينۆەستيسيالىق ارىپتەستىك سۇراقتارىن تالقىلادى.

جۇڭگو قازاقستاننىڭ قابىلدانعان 2018 – 2022 جىلدارعا ارنالعان ۇلتتىق ينۆەستيسيالىق ستراتەگياسىنا سايكەس، ينۆەستيسيالاردى تارتۋعا ارنالعان باسىمدىقتى شەت ەلدەرى تىزىمىنە كىرەدى. ىنتىماقتاستىقتىڭ يندۋستريالدى-ينۆەستيسيالىق باعدارلاماسى جالپى سوماسى $ 27 ملرد. دوللاردان استام 51 جوبادان تۇرادى.

تاراپتار كەزدەسۋ بارىسىندا، قازاقستاننىڭ جۇڭگو ءۇشىن ورتالىق ازياداعى ءىرى ساۋدا سەرىكتەسىنە جانە ەۋرازيا ايماعىنداعى ينۆەستيسيالار سالاتىن ءىرى وبەكتىسىنە اينالعانىن اتاپ ءوتتى. ليانيۋنگان قىتايلىق-قازاقستاندىق لوگيستيكالىق تەرمينالى، قازاقستانعا ازيا-تىنىق مۇحيت ايماعىنا تەڭىزگە شىعاتىن ورىنعا قول جەتكىزۋگە مۇمكىندىك بەردى. قازاقستاننىڭ تەمىر جولدارى قىتايدىڭ ەۋرازيالىق ترانسكونتينەنتالدىق دالىزىنە كىرۋىنە مۇمكىندىك بەرەدى.

«ءبىر بەلدەۋ، ءبىر جول» جاڭا باعدارلاماسى» قازاقستانداعى شەتەلدىك ينۆەستورلارعا ۇلكەن پەرسپەكتيۆالار ۇسىنادى. ءبىز ينفراقۇرىلىمدىق جوبالار، شيكىزاتتىق ەمەس سەكتور شەڭبەرىندە ءىس جۇزىندەگى ءوزارا قارىم-قاتىناستى كۇشەيتۋگە نيەتتىمىز»، - دەپ اتاپ ءوتتى «Kazakh Invest» باسشىسى ساپاربەك تۋياكبايەۆ.

قحر ق ر ەلشىسى حانحۋەي چجان ءوز كەزەگىندە جۇڭگو كومپانيالارىنىڭ قازاقستان نارىعىنداعى ىسكەرلىك بەلسەندىلىكتەرىنىڭ اۋقىمىنىڭ كەڭەيۋىنە مۇددەلىلىگىن كورسەتتى.

قىتايلىق ينۆەستيسيالاردىڭ نەگىزىنەن، جەڭىل ونەركاسىپ، جاڭا تەحنولوگيالار، حالىق تۇتىناتىن تاۋارلارى ءوندىرىسى، مەتاللۋرگيا، مۇناي مەن گازدى وڭدەۋ، حيميا ونەركاسىبى، ماشينا قۇراستىرۋ، ەنەرگەتيكا، اۋىلشارۋاشىلىعى ونىمدەرىن وڭدەۋ، كولىك جانە لوگيستيكا ءتارىزدى سالالارعا تارتىلاتىنىن ايتا كەتۋ قاجەت.

جوبالار نەگىزىنەن ەكسپورتقا باعدارلانعان ونىمدەر وندىرىسىنە باعىتتالعان.