گەرمانيا بيلىگى گامبۋرگ قالاسىندا ورنالاسقان گەستاپونىڭ شتاب-پاتەرىن پاتەرگە اينالدىرماق دەپ حابارلايدى Qamshy.kz اقپارات اگەنتتىگى The Guardian-عا سىلتەمە جاساپ. اتالمىش عيماراتتا ادولف گيتلەردىڭ ساياساتىنا قارسى شىققاندار ازاپتالاتىن. 

ناسيستەردىڭ كەسىرىنەن ازاپ كورگەندەردىڭ تۋىستارى ءوز قارسىلىعىن ءبىلدىرىپ نارازىلىق اكسياسىنا شىقتى.

-تەرگەۋگە كەلگەندەردىڭ ەشقايسىسى ول جەردەن جاراقاتسىز شىقپاعان، - دەيدى  دەتلەف باادە. ونىڭ اكەسىن 1933 جىلى ازاپتاعان.

باسىلىمنىڭ مالىمەتىنشە، گەستاپو عيماراتىن جەكە كاسىپكەر ساتىپ الدى. ول عيماراتتا 88 پاتەرمەن قوسا، 126 بولمەلى قوناق ءۇي، مەيرامحانا، بار جانە دۇكەن اشپاقشى.

گەستاپو – ءۇشىنشى رەيحتىڭ قۇپيا مەملەكەتتىك پوليسياسى. ول 1933-1945 جىلدار ارالىعىندا جۇمىس ىستەدى. گەستاپو فيۋرەر ادولف گيتلەردىڭ ساياساتىنا قارسى ادامداردى قۋدالاۋمەن اينالىساتىن. ول ناسيستىك گەرمانيانىڭ ەڭ ماڭىزدى قۇرالدارىنىڭ ءبىرى بولدى.