وڭتۇستىك كورەيانىڭ پحەنچحان قالاسىندا وتەتىن قىسقى وليمپيادا ويىندارىنىڭ باستالۋىنا بىرنەشە كۇن قالعاندا شاڭعىشىلاردى دوپينگكە تەكسەرۋ جۇمىستارى جۇرگىزىلەدى. بۇل جايىندا الەمدىك ب ا ق حابارلايدى.
وسى ۋاقىتقا دەيىن جۇزدەگەن شاڭعىشىلار جارىس الدىندا قان قىسىمىنىڭ جوعارى بولۋىنا قاراماستان جارىستان شەتتەتىلمەي كەلگەن. وسى ماسەلەنى قوزعاعان بريتانيالىق The Sunday Times گازەتى مەن نەمىستىڭ ARD تەلەكومپانياسى مالىمەتتەر بازاسىنان سپورتتىڭ ەكى مىڭ تۇرىنەن قاتىسقان 10 مىڭ سپورتشىنىڭ قان ءاناليزىن الدى.
2001 جىلدان بەرى الەم چەمپيوناتى مەن وليمپيادا ويىندارىن ەسەپتەگەندە ءاربىر ءۇشىنشى مەدالدى العان سپورتشىنىڭ قان ساراپتاماسى كۇدىك تۋدىرىپ وتىر. ونىڭ ىشىندە التىن مەدال العان 91 سپورتشى دا بار.
دوپينگ قولدانۋدان رەسەي باسقا ەلدەردىڭ الدىنا ءتۇسىپ، كوش باستاپ تۇر. سول سەبەپتى بيىل رەسەي سپورتشىلارى ءوز ەلىنىڭ اتىنان جارىسقا قاتىسا المايدى.
"جۇمادا پحەنچحاندا قىسقى وليمپيادا ويىندارىنىڭ باستالۋىنا بىرنەشە كۇن قالعاندا دوپينگ داۋى قايتا قوزعالۋى مۇمكىن"،- دەپ جازادى Sunday Times.
باسىلىمنىڭ مالىمەتىنشە، بيىلعى وڭتۇستىك كورەياداعى جارىسقا قاتىساتىن 50 شاڭعىشىنىڭ قان قۇرامى 2001-2010 جىلدار ارالىعىندا دوپينگ قولدانعان دەپ تانىلعاندار. الايدا ولار وسى ۋاقىتقا دەيىن اشكەرەلەنبەي كەلگەن.
