بۇل تۋرالى وبلىستىق كاسىپكەرلەر پالاتاسىنىڭ ديرەكتورى ناريمان ءابىلشايقوۆ وڭىرلىك كوممۋنيكاسيالار ورتالىعىندا وتكەن باسپا ءسوز ءماسليحاتىندا مالىمدەدى.

وڭىرلىك كاسىپكەرلەر پالاتاسىنىڭ (وكپ) باسشىسى كاسىپكەرلەردىڭ زاڭدى قۇقىعى مەن مۇددەسىن قورعاۋ پالاتانىڭ نەگىزگى قىزمەتى بولىپ تابىلاتىنىن ايتتى. بۇل باعىتتا وتكەن جىلى 233 ءوتىنىش كەلىپ تۇسكەن.

«شاعىمداردىڭ 80%ء-ى وڭ ناتيجەمەن شەشىلدى. مىسالى «سارىوزەك مۇناي ونىمدەرى» كومپانياسىنا قۇجاتتاردا قاتە باسىلعان جازۋ ءۇشىن 5 ملن-دىق ايىپپۇل سالىنا جازدادى. ءبىزدىڭ قولداۋىمىزدان كەيىن قاۋلى الىنىپ تاستالىندى. جىل قورىتىندىسى بويىنشا كاسىپكەرلەر پالاتاسى كاسىپكەرلەردىڭ 900 ملن-عا جۋىق سوماداعى مۇلىكتىك قۇقىعىن قورعادى»، - دەدى ناريمان ءابىلشايىقوۆ.

«بيزنەستىڭ جول كارتاسى-2020» مەملەكەتتىك باعدارلاماسىنىڭ بيزنەسكە سەرۆيستىك قولداۋ مەن اقپاراتتىق قامتاماسىز ەتۋ باعىتى بويىنشا جۇمىس قورىتىندىسى شىعارىلدى. وسى جەلى بويىنشا «اتامەكەن» ۇكپ باعدارلاما وپەراتورى بولىپ تابىلادى. كاسىپكەرلىككە قولداۋ كورسەتۋ ورتالىقتارىندا  6 437 كاسىپكەرگە 8086 سەرۆيستىك قىزمەت كورسەتىلگەن. 17 884 بيزنەس وكىلىنە 22 838 اقپاراتتىق قىزمەت بەرىلگەن. سوماسى 5 ملرد تەڭگەدەن استام بولاتىن 432 بيزنەس-جوسپار ازىرلەنىپ، ونىڭ ىشىندە 68 جوبا 217،1 ملن تەڭگەگە قارجىلاندىرىلعان.

«ءبىز مەملەكەتتىك باعدارلاما اياسىندا «بيزنەس مەكتەپ» كومپونەنتىن جۇزەگە اسىرامىز. ونىڭ اياسىندا «بيزنەس كەڭەسشى»، «بيزنەس ءوسۋ»، ««تالىمگەرلىك قاعيدالارىن قولداناتىن جوبالىق وقىتۋ» جوبالارى بويىنشا كاسىپكەرلىككە نەگىزدەرىنە وقىتامىز. «بيزنەس كەڭەسشى» ەكى كۇندىك وقىتۋ جوباسى اياسىندا 1 393 ادام ءبىلىپ الىپ، كاسىپكەر رەتىندە 197 قاتىسۋشى تىركەلىپ، 260 جۇمىس ورنىن اشقان. 120-سى جالپى سوماسى 340،4 ملن تەڭگە بولاتىن قارجىلاندىرۋعا قول جەتكىزگەن»، - دەپ اتاپ ءوتتى وبلىستىق پالاتا باسشىسى.

ناريمان ءابىلشايىقوۆ پيلوتتىق رەجيمدە 2017-2021 جىلدارعا ارنالعان ءونىمدى جۇمىسپەن قامتۋ جانە جاپپاي كاسىپكەرلىكتى دامىتۋ مەملەكەتتىك باعدارلاماسى اياسىندا جۇزەگە اسىرىلعان كاسىپكەرلىككە وقىتۋعا باعىتتالعان «باستاۋ بيزنەس» جوباسىنىڭ ناتيجەلەرىمەن تانىستاردى. وتكەن جىلى «باستاۋ بيزنەس» بويىنشا 1312 جۇمىسسىز جانە ءوزىن-وزى جۇمىسپەن قامتىعان ازاماتتار قاتىسىپ، 285 قاتىسۋشى ءوز ءىسىن اشقان. ولاردىڭ جوباسى 1 ملرد تەڭگەدەن استام سوماعا قارجىلاندىرىلدى.

«مەملەكەت باسشىسى بيىلعى جولداۋىندا «اتامەكەننىڭ» بيزنەستى وقىتۋ جونىندەگى جۇمىسىن جوعارى باعالادى. «باستاۋ بيزنەس» وسى جىلى بارلىق اۋدانداردا، قاپشاعايدان باسقا تالدىقورعان جانە تەكەلى قالالارىندا وتكىزىلەدى. باعدارلاما بويىنشا وقىپ شىققان ازاماتتاردى بيزنەس اشقان سوڭ ءبىر جىل بويى سۇيەمەلدەيمىز، بارلىق وپەراسيالىق سۇراقتار بويىنشا كەڭەستەر بەرەمىز»، - دەپ قوستى ناريمان ءابىلشايىقوۆ.

وتكەن جىلدان باستاپ كاسىپكەرلەر پالاتاسى شاعىن يندۋستريالدى ايماقتاردى اشۋ مەن دامىتۋ جۇمىسىن قولعا الدى. شاعىن يندۋستريالدى ايماقتاردى دامىتۋ نەگىزى توقتاپ قالعان كاسىپورىندار نەگىزىندە بيزنەس-ينكۋباتور اشۋمەن بايلانىستى. قازىرگى تاڭدا بىرنەشە كاسىپورىندارمەن كەلىسىمگە قول جەتكىزىلگەن. ەندىگى تاڭدا وسى كاسىپورىندار ىشىندە كاسىپكەرلەرگە جەڭىلدىكپەن ورىندار جالعا بەرىلەتىن بولادى.

اگروونەركاسىپتىك كەشەن باعىتىندا اۋىل شارۋاشىلىعى باسقارماسىمەن بىرلەسە وكپ 145 اۋىل شارۋاشىلىعى كووپەراتيۆى قۇرىلدى. ولاردىڭ ىشىندە 28ء-ى 1،7 ملرد تەڭگەگە قارجىلاندىرىلعان. كاسىبي بىلىكتىلىكتى ارتتىرۋ مەن الدىڭعى قاتارلى تەحنولوگيالاردى ەنگىزۋ بويىنشا تاجىريبەمەن ءبولىسۋ ماقساتىندا 1338 شارۋا قوجالىقتارى، كاسىپورىندارىنىڭ باسشىلارى مەن جۇمىسشىلارى ءۇشىن 42 تەگىن سەمينار ۇيىمداستىرىلدى.

«2017 جىلدىڭ قازانىنان باستاپ وبلىستىق كاسىپكەرلەر پالاتاسىنىڭ باستاماسىمەن «جۇمىسشى ماماندىقتاردى قىتايدا مەڭگەرەيىك» اتتى الەۋمەتتىك ءبىلىم بەرۋ جوباسى ىسكە اسىرىلىپ كەلەدى. قحر-دىڭ ءۇش كوللەدجىمەن قازاقستاندىق ستۋدەنتتەرگە تەگىن كاسىپتىك ءبىلىم بەرۋ بويىنشا مەموراندۋمعا قول قويىلدى. كەلىسىم اياسىندا الماتى، قوستاناي وبلىستارىنان، سونداي-اق، الماتى جانە استانا قالالارىنان 24 جاس تۋريزم، ءىت، تاۋ ءىسى، مۇناي-حيميا، ۆەتەريناريا، دانەكەرلەۋ ءىسى، مۇناي جانە گازدى پايدالانۋ، گەولوگيا، قارجى جانە ەكونوميكا، مەتاللۋرگيا، ەلەكتروتەحنيكا، ينجەنەرلىك ولشەمدەر تەحنيكاسى ماماندىقتارى بويىنشا ءبىلىم الۋدا»، - دەدى الماتى وبلىسى كاسىپكەرلەر پالاتاسىنىڭ ديرەكتورى ناريمان ءابىلشايىقوۆ.

2017-2021 جىلدارعا ارنالعان ءونىمدى جۇمىسپەن قامتۋ جانە جاپپاي كاسىپكەرلىكتى دامىتۋ مەملەكەتتىك باعدارلاماسى اياسىندا كاسىپورىندار نەگىزىندە اشىلعان 7 وقۋ ورتالىعىندا جۇمىسسىزدار ءۇشىن قىسقامەرزىمدى كاسىپتىك وقىتۋ جۇرگىزىلگەن. كاسىپتىك وقىتۋعا 314 ازامات قاتىسىپ، ونىڭ 156-ى جۇمىسپەن قامتىلدى.

ناريمان ءابىلشايقوۆ 2018 جىلى بىرنەشە اۋداندا «ءبىر تەرەزە» قاعيداسى بويىنشا قىزمەت اتقاراتىن تولىقفورماتتى كاسىپكەرلەرگە قىزمەت كورسەتۋ ورتالىعى اشىلاتىنىن جەتكىزدى.