بۇگىن استانادا II قازاقستان-گرەكيا بيزنەس-فورۋمى بولىپ ءوتتى، دەپ حابارلايدى Qamshy.kz اقپارات اگەنتتىگى.

بيزنەس-فورۋمعا ەكى ەلدىڭ بيزنەس-شەڭبەرىنەن 200-دەن استام وكىل قاتىستى – شەتەلدىك ساراپشىلار مەن ينۆەستورلار، ق ر ۇكىمەتىنىڭ، ۇلتتىق كومپانيالار، قارجى ينستيتۋتتارىنىڭ وكىلدەرى، قازاقستاندىق جانە شەتەلدىك بيزنەسمەندەر.

فورۋم شەڭبەرىندە FREZYDERM S.A. (فارماسيەۆتيكالىق ونىمدەر ءوندىرۋ)، «R&D كوسمەتيكا دەپارتامەنتى» (FREZYDERM)، VIOHALCO S.A. (ەۋروپادا مەتالل وڭدەۋشى كومپانيالاردىڭ جەتەكشى حولدينگىلىك توبى)، Upstream (نارىقتا ساۋدانى جىلدامداتاتىن ىقشام كوممەرسيا پلاتفورماسى)، PHARMEX S.A. (ءتۇرلى زەرتتەۋلەر وتكىزەدى جانە يننوۆاسيالىق ونىمدەردى ازىرلەۋ باعىتى بويىنشا جۇمىس ىستەيدى)، VK Premium (جەكە جانە مەملەكەتتىك سەكتورلاردا كونسۋلتاسيالىق قىزمەتتەر كورسەتەدى)، ADELCO S.A. (ءىرى گرەكيالىق فارماسيەۆتيكالىق كومپانيا)، METKA (EPC (Engineering-Procurement-Construction) ءىرى كولەمدى جوبالار قۇرىلىسى، SABO SΑ (كىرپىش–جابىنقىش ونەركاسىبى) سياقتى كومپانيالارمەن ەكى تاراپتى كەزدەسۋلەر ءوتتى.

كىرىسپە بايانداماسىندا قازاقستان رەسپۋبليكاسى ينۆەستيسيالار جانە دامۋ ۆيسە-مينيسترى ارىستان قابىكەنوۆ اتالعان ءىس-شارانىڭ وتكىزىلۋىنىڭ ءتۇيىندى مىندەتتەرى مەن ماقساتتارى تۋرالى ايتىپ كەتتى.

«ەلباسى نۇرسۇلتان ءابىش ۇلى نازاربايەۆتىڭ بيىلعى جىلعى جولداۋىندا جاسالعان تاپسىرمالاردى جەكە اتاپ كەتكىم كەلەدى، بۇل جاڭا تەحنولوگيالار ەنگىزۋگە بەت بۇرۋ جانە ەكونوميكالىق بارلىق سالالارىن، ءبىرىنشى كەزەكتە ماشينا جاساۋ، مۇناي قايتا وڭدەۋ، تاعام، مەتالل ونەركاسىبى جانە قۇرىلىس يندۋسترياسى سياقتى ەڭبەك ونىمدىلىگى جوعارى ونەركاسىپ سەكتورىن ساندىق قالىپقا اۋىستىرۋعا قاتىستى تاپسىرمالاردى اتاپ كەتكىم كەلەدى. بۇگىنگى ءىس-شاراعا كەلگەن گرەكيا كومپانيالارى وسى باسىمدىقتارعا ءتۇسىپ وتىر»،- دەپ اتاپ كەتتى ق ر يدم ۆيسە-مينيسترى.

فورۋم بارىسىندا قاتىسۋشىلارعا قازاقستان مەن گرەكسيانىڭ ينۆەستيسيالىق مۇمكىندىكتەرى تانىستىرىلدى، ەكى جاقتى ىنتىماقتاستىق ماسەلەلەرى مەن ولاردىڭ دامۋ پەرسپەكتيۆالارى تالقىلاندى.

سونداي-اق فورۋم اياقتالعاننان كەيىن لوگيستيكا، تۋريزم، اۋىل شارۋاشىلىعى، دەنساۋلىق ساقتاۋ، قۇرىلىس يندۋسترياسى، IT، فارماسيەۆتيكا جانە كوسمەتولوگيا سياقتى سالالاردا ەكى ەلدەردىڭ كاسىپورىندارى اراسىندا ەكى جاقتى ىسكەرلىك كەزدەسۋلەر وتكىزىلدى.

قازاقستان گرەكيا ءۇشىن ورتالىق ازياداعى نەگىزگى سەرىكتەسى، سونداي-اق ەۋرازيالىق ەكونوميكالىق وداق ەلدەرىمەن جاناسۋ نۇكتەسى بولىپ تابىلاتىندىعىن اتاپ كەتكەن ماڭىزدى، سونىمەن بىرگە گرەكيا قازاقستان ءۇشىن بالقان تۇبەگىندەگنى نەگىزگى سەرىكتەسى بولىپ تابىلادى.