الاشتىڭ اردا تۋعان ازاماتى، قوعام قايراتكەرى ۋاتقان جارقىنباي ۇلى اقساقال بۇگىن ەسىك قالاسىندا جەرلەندى.
ءتاڭىر ىسىنە تالاس جوق، وزەكتى جانعا ءبىر ءولىم بارى حاق.
مارقۇمنىڭ جاتقان جەرى جايلى، يمانى جولداس بولسىن! تۋعان-تۋىستارى مەن جەرلەستەرىنە قايعىرىپ كوڭىل ايتامىز.
ۋاتقان جارقىنباي ۇلى – رەسەيدە ءبىلىم العان حيرۋرگ، قانشاما سىرقاتتىڭ دەرتىنە داۋا تاپقان ادام. قازاقتىڭ حالىق ەمىن باتىس عىلىمىمەن ۇشتاستىرعان بىرنەشە مەديسينالىق كىتاپتىڭ اۆتورى.
موڭعوليا قازاقتارىنىڭ بەلسەندىسى، اقىل ايتىپ، جول كورسەتەر اقساقالى تاۋەلسىزدىكتىڭ العاشقى جىلىندا اتاجۇرتقا ورالدى. دۇنيەدەن ءدامى تاۋسىلىپ، جازۋى بىتكەن ساتتە ريزا كوڭىلمەن اتتانعانى انىق.
