ق ر ەنەرگەتيكا ۆيسە-مينيسترى باقىتجان جاقسالييەۆ شىعىس قازاقستان وبلىسىنا جۇمىس ساپارى بارىسىندا كومىر ونەركاسىبىنىڭ جاعدايى مەن دامۋ كەلەشەگى ماسەلەلەرى بويىنشا «قاراجىرا» رازرەزىندە كوشپەلى وتىرىس وتكىزدى، دەپ جازادى Qamshy.kz اقپارات اگەنتتىگى.

وتىرىستا وبلىسقا كومىردى ۋاقتىلى جەتكىزۋ ماسەلەلەرى تالقىلاندى.

«ەنەرگەتيكا مينيسترلىگى وسى كۇندەرى وڭىرلەردىڭ جەرگىلىكتى جەرلەرىندە كومىر تاپشىلىعى ماسەلەسىن تالقىلاۋدا»، - دەدى ۆيسە-مينيستر.

وتىرىستا ب. جاقسالييەۆ سونداي-اق مينيسترلىكتىڭ كومىردى جونەلتۋ سىزباسىن وزگەرتۋ تۋرالى ۇسىنىسىن اتاپ ءوتتى.

«ەنەرگەتيكا مينيسترلىگى ۇكىمەتكە كومىردى جونەلتۋ سىزباسىن قايتا قاراستىرۋ بويىنشا ۇسىنىس ەنگىزەدى. حالىقتىڭ كوممۋنالدىق تۇرمىستىق قاجەتتىلىگى – باستى ورىندا، سودان سوڭ جىلۋ ەلەكتر ستانسيالارى، ال ودان كەيىن ەكسپورت»، - دەپ ءتۇسىندىردى ب. جاقسالييەۆ.

2017 جىلى كوممۋنالدىق-تۇرمىستىق قاجەتتىلىككە جانە حالىققا ارنالعان كومىر كولەمى 12،5 ملن. توننانى قۇرادى، بۇل كورسەتكىش  2016 جىلمەن سالىستىرعاندا 18% ارتىق (10،6 ملن.توننا).

«قاراجىرا» اق تەحنيكالىق سيپاتتاماسى: كومىر ماركاسى – د، بز (ۇزىنجالىندى كومىر جانە قوڭىر ءتۇستى)؛ قالاتىن كۇل كولەمى - 18% حالىق قاجەتتىلىگىنە ارنالعان كومىر اراسىنداعى ساپاسى جاقسى كومىر قاتارىنان. كومىردىڭ ىلعالىدىلىعى - 14-16%. جانۋ جىلۋى – 4500 ككال/كگ.

شىعىس-قازاقستان وبلىسىندا عانا ەمەس، سونداي-اق باسقا دا وبلىستاردا جانە شەكارالاس مەملەكەتتەردە ونىمگە سۇرانىس بار.

2017 جىلى «قاراجىرا» اق كومىر ءوندىرۋ كولەمى – 6،8 ملن.توننانى قۇرادى، 2018 جىلعا ارنالعان جوسپار – 7،6 ملن. توننانى قۇرايدى.

2017 جىلعى جونەلتىلگەن كومىر كولەمى 7،0 ملن. توننانى قۇرادى، ونىڭ ىشىندە كوممۋنالدىق تۇرمىستىق جانە حالىقتىڭ قاجەتتىلىگىنە جۇمسالعان كومىر كولەمى – 2،9 ملن. توننانى قۇرايدى.

قاراجىرا – قازاقستانداعى كومىر قورىنا باي كەن ورىندارىنىڭ ءبىرى، شىعىس قازاقستان وبلىسىنىڭ جاڭاسەمەي وڭىرىندە، سەمەي قالاسىنان 130 كم. وڭتۇستىك-شىعىسقا قاراي ورنالاسقان. كومىر قورى شامامەن ميلليارد توننادا اسادى.