الماتىنىڭ المالى اۋداندىق سوتىندا مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ بۇرىنعى ديرەكتورى ەرلان بىلالگە قاتىستى تەرگەۋ جۇمىستارى جالعاسىپ جاتىر، دەپ جازادى Qamshy.kz اقپارات اگەنتتىگى.

سوت الدىندا جاۋاپ بەرگەن ەرلان بىلالگە پروكۋرورلار باس بوستاندىعىنان ايىرۋدى ەمەس، ايىپپۇل تولەتۋدى سۇرادى.

ەرلان ءبىلال ق ر قىلمىستىق كودەكسىنىڭ  24-بابى، 3-بولىگى، 366-بابى، 2-بولىگىنە سايكەس پارا الۋعا وقتالعانى ءۇشىن ايىپتالدى. سوتتا ول "سەزام" شىعارماشىلىق قورىنىڭ پرەزيدەنتى بايانوۆتان 2018 جىلدىڭ 2 قاڭتارىندا 600 مىڭ تەڭگە العانىن ايتتى. ال 4 قاڭتاردا 900 مىڭ تەڭگە الىپ جاتقان جەرىنەن ۇستالعان.  

ەندى پروكۋرورلار وسى قاراجاتتى 60 ەسە ارتىق ەتىپ، ياعني 90 ملن تەڭگەنى وتەۋدى تالاپ ەتتى. سونداي-اق بارلىق مەملەكەتتىك ناگرادالارىنان: «ايبىن»، قۇرمەت وردەندەرىنەن ايىرىلۋى مۇمكىن. ال ادۆوكاتىنىڭ ايتۋىنشا، ەرلان ءبىلالدىڭ دەنساۋلىعى سىر بەرە باستاعان. سونىمەن قوسا، كىنانى بىردەن مويىنداپ، تەرگەۋشىلەردىڭ جۇمىسىن جەڭىلدەتكەنى ءۇشىن جازاسىن جۇمسارتۋدى سۇراپ وتىر. 

ەستەرىڭىزگە سالا كەتسەك، 5 قاڭتاردا م.اۋەزوۆ اتىنداعى اكادەميالىق قازاق دراما تەاترىنىڭ ديرەكتورى تەاتر بازاسىن بالالارعا ارنالعان مەرەكەلىك شارالاردى وتكىزۋگە جالعا بەرگەنى ءۇشىن 1،5 ميلليون تەڭگە كولەمىندە پارا الماق بولعانى انىقتالدى.

ق ر ەڭبەك سىڭىرگەن قايراتكەرى ەرلان ءبىلال اۋەزوۆ اتىنداعى قازاق مەملەكەتتىك اكادەميالىق دراما تەاترىن 2015 جىلدىڭ 27 ساۋىرىنەن بەرى باسقارىپ كەلگەن