«ءوندىرىس» تۇرعىن ءۇي الابىنىڭ تۇرعىندارى 10 اقپاننان باستاپ سول جاعالاۋعا № 104 جاڭا ەكسپرەسس باعدارىندا قاتىناي الادى دەپ حابارلايدى Qamshy.kz اقپارات اگەنتتىگى ەلوردا اكىمدىگىنىڭ رەسمي سايتىنا سىلتەمە جاساپ.
«سۋسامىر كوشەسى» ايالداماسىنان شىققان ەكسپرەسس باعدار «ازيا پارك» سوو ايالداماسىنا دەيىن جۇرەتىن بولادى.
«اۆتوبۋس «سۋسامىر كوشەسى» باستاپقى نۇكتەسىنەن - سۋسامىر كوشەسىمەن ءجۇرىپ، سولعا كرىلوۆ كوشەسىنە وتەدى. بۇدان كەيىن ول وڭعا بۇرىلىپ، شيەلى كوشەسىمەن قوزعالاتىن بولادى. شيەلى كوشەسىنىڭ بويىمەن جۇرگەن اۆتوبۋس سولعا توقتاروۆ كوشەسىنە، بۇدان كەيىن وڭعا كەمەڭگەر ۇلى كوشەسىنە، كەمەڭگەر ۇلى كوشەسىنەن اقبيداي كوشەسىنە، اقبيداي كوشەسىنەن وڭعا ءوندىرىس كوشەسىنە، بۇدان كەيىن وڭعا ءۇشقوڭىر كوشەسىنە، تايبۋرىل كوشەسى- يگىلىك كوشەلەرىنە وتەتىن بولادى. يگىلىك كوشەسىمەن قوزعالعان قوعامدىق كولىك وڭعا بۇرىلىپ، گوگول كوشەسىنە، گوگول كوشەسىنەن جاڭاجول كوشەسىنە، اقجول كوشەسىنىڭ بويىمەن ءجۇرىپ، وڭعا پۋشكين كوشەسىنە ءوتىپ، ج. تاشەنوۆ كوشەسىنەن سولعا بۇرىلىپ، شالقىما كوشەسى – ماڭگىلىك ەل داڭعىلى- وڭعا دوستىق كوشەسىنە – سوڭعى ايالداما «ازيا پارك» سوو-نا جەتەتىن بولادى»، - دەپ جازىلعان تاراتىلعان حابارلامادا.
كەرى باعىتتا اۆتوبۋس دوستىق كوشەسىمەن ءجۇرىپ، اينالما جولعا جەتەدى («حان شاتىر» سوو ارتى). بۇدان كەيىن كولىك وڭعا بۇرىلىپ، تۇران داڭعىلىمەن جۇرەدى. تۇران داڭعىلىنان سولعا دوستىق كوشەسىنە بۇرىلىپ، اقمەشىت كوشەسىنە دەيىن بارادى. اقمەشىت كوشەسىمەن قوزعالعان كولىك وڭعا قونايەۆ كوشەسىنە بۇرىلىپ، ءارى قاراي ۇقساس قوزعالىس سىزباسى بويىنشا جۇرەتىن بولادى.
