تەحنيكالىق رەتتەۋدىڭ قولدانىستاعى ينفراقۇرىلىم جۇيەسى ءتورت نەگىزگى باعىتتان تۇرادى: تەحنيكالىق رەتتەۋ جانە ستاندارتتاۋ؛ مەترولوگيا؛ اككرەديتتەۋ جانە سايكەستىكتى باعالاۋ؛ مەملەكەتتىك باقىلاۋ.
جەڭىس قاسىمبەكتىڭ مالىمدەۋىنشە، جۇيەنى جەتىلدىرۋ ەكى كەزەڭدە جۇزەگە اسىرىلادى:
1. 2018 جىلى «ستاندارتتاۋ تۋرالى» جاڭا زاڭدى جانە مەترولوگيا مەن اككرەديتتەۋ سالاسىنداعى جۇمىستاردى جانداندىرۋ جانە جەتىلدىرۋ تۋرالى زاڭناماعا ەنگىزىلەتىن باسقا دا وزگەرىستەردى قابىلداۋ جانە ىسكە اسىرۋ بويىنشا شارالار قابىلدانادى.
2. 2018–2020 جىلدارى سايكەستىكتى باعالاۋ جانە مەملەكەتتىك باقىلاۋ جۇيەسىن جەتىلدىرۋ.
بۇگىندە ستاندارتتاۋ ماسەلەلەرى بويىنشا بيزنەستە كوپتەگەن قۇجاتتاردى قاعاز تۇرىندە ۇسىنۋ پروبلەماسى كەزدەسەدى، ستاندارتتاۋ ۇدەرىستەرىنە قاتىسۋدان باس تارتادى. وسىعان بايلانىستى «ستاندارتتاۋ تۋرالى» زاڭ جوباسى ازىرلەندى، ونىڭ اياسىندا اۆتوماتتاندىرىلعان جۇيەلەر — ستاندارتتاۋ جونىندەگى ۇلتتىق ورگان ارقىلى جۇمىس ىستەيتىن، ستاندارتتاۋ پروسەستەرىنىڭ ءبىرىڭعاي وپەراتورى انىقتالادى. جاڭا تاسىلدەگى باستى ءرول ستاندارتتاۋ جونىندەگى تەحنيكالىق كوميتەتتەرگە — «مەملەكەت – بيزنەس – تۇتىنۋشى» قاعيداتى بويىنشا ۇلتتىق ستاندارتتاردى تالقىلايتىن ديالوگتىق الاڭدارعا بەرىلەدى.
«زاڭنىڭ قابىلدانۋىمەن ستاندارتتاردى باستامالىق ازىرلەۋ بويىنشا جاعدايلار جاساۋ، سونداي-اق قازاقستان اۋماعىندا شەتەلدىك ستاندارتتاردى قولدانۋدى جەڭىلدەتۋ تۇرعىسىنان بيزنەس احۋال جاقسارتىلادى»، — دەدى جەڭىس قاسىمبەك.
ينۆەستيسيالار جانە دامۋ مينيسترلىگى مەترولوگيا سالاسىندا دا جۇمىستار جۇرگىزىپ جاتىر. «سايكەستىكتى باعالاۋ سالاسىنداعى اككرەديتتەۋ تۋرالى» زاڭعا وزگەرىستەر ەنگىزۋ اككرەديتتەۋ جۇيەسىن جەتىلدىرۋگە جانە اتالعان سالا سۋبەكتىلەرىنىڭ جاۋاپكەرشىلىگىن ارتتىرۋعا باعىتتالعان.
زاڭعا ەنگىزىلگەن تۇزەتۋلەر ەتالونداردى تەكسەرۋ مەن وزگەرىستەر قۇرالدارىن كاليبرلەۋگە كوشىرۋدى جانە جاڭا ءتاسىلدى مەملەكەتتىك مەترولوگيالىق باقىلاۋعا ەنگىزۋدى كوزدەيدى.
سىناق جۇرگىزۋ كەزىندە پايدالانۋعا ارنالعان، ەكونوميكالىق ىنتىماقتاستىق جانە دامۋ ۇيىمىنىڭ (ەىدۇ) GLP (Good Laboratory Practice) ءتيىستى زەرتحانالىق تاجىريبە پرينسيپتەرى ماڭىزعا يە. وسىلايشا 2018–2019 جىلدارى بىرلەسكەن جول كارتاسى ازىرلەنەدى، ونى جۇزەگە اسىرۋ قورىتىندىسى بويىنشا قازاقستاندىق زەرتحانالاردى سىناۋ ناتيجەلەرى ەىدۇ ەلدەرىندە تانىلادى.
GLP ارەكەت ەتۋ اۋقىمى مىنا قىزمەت سالاسىن قامتيدى:
- دارىلىك زاتتار مەن تاعامدىق قوسپالار تۇرعىسىنان دەنساۋلىق ساقتاۋ مينيسترلىگىن؛
- ەنەرگەتيكا مينيسترلىگىن — حيميالىق زاتتاردىڭ قورشاعان ورتاعا اسەرىنىڭ قاۋىپسىزدىگىن باعالاۋ تۇرعىسىنان؛
- اۋىل شارۋاشىلىعى مينيسترلىگىن — ازىق قوسپالارى، ۆەتەريناريالىق پرەپاراتتار جانە پەستيسيدتەر تۇرعىسىنان؛
- ينۆەستيسيالار جانە دامۋ مينيسترلىگى — ونەركاسىپتىك حيميكاتتار جانە كوسمەتيكالىق ونىمدەر سالاسىندا.
تەحنيكالىق رەتتەۋ جۇيەسىن جەتىلدىرۋدىڭ ەكىنشى كەزەڭى سەرتيفيكاتتاۋ سىناقتارىنىڭ ناتيجەلەرىنە ءوزارا سەنىمدى تومەندەتۋ جانە يمپورتتاۋشىلاردىڭ «تاۋارلاردى شارتتى تۇردە شىعارۋ» كەدەندىك ءراسىمى ارقىلى سەرتيفيكاتتاۋدان ءوتۋىن بولدىرماۋ سياقتى تۇيىتكىلدى ماسەلەلەردى شەشۋگە باعىتتالعان. بۇگىندە جۇمىستار باستالعان.
مينيسترلىك مەملەكەتتiك باقىلاۋ سالاسىندا قابىلدانعان شارالاردىڭ تيiمدiلiگiن ارتتىرۋ ماقساتىندا مەملەكەتتiك ورگانداردىڭ وكiلەتتiكتەرiن سارالاۋدى ۇسىنادى. ءتيىستى وزگەرىستەر «اتامەكەن» ۇكپ جانە مۇددەلى ۆەدومستۆولارمەن بىرلەسە وتىرىپ، ەگجەي-تەگجەيلى ازىرلەنەتىن بولادى.
تەحنيكالىق رەتتەۋ جۇيەسىن اۆتوماتتاندىرۋ جانە سيفرلاندىرۋ تۋرالى ايتا وتىرىپ، جەڭىس قاسىمبەك قازىرگى تاڭدا ەۋرازيالىق ەكونوميكالىق كوميسسياعا سايكەستىك تۋرالى دەكلاراسيالار مەن سەرتيفيكاتتار جونىندە مالىمەت بەرۋ جۇمىستارى جۇرگىزىلىپ جاتقانىن اتاپ ءوتتى.
قورىتىندىلاي كەلە، مينيستر «E-كترم» ءبىرىڭعاي اقپاراتتىق جۇيەسىن قۇرۋ بويىنشا جۇمىس جۇرگىزىلەتىنىن اتاپ ءوتتى. ول قازاقستانداعى جانە ەاەو اياسىنداعى بارلىق ۇدەرىستەردى اۆتوماتتاندىرادى جانە بىرىكتىرەدى.
اتالعان باعىتتا جۇرگىزىلىپ جاتقان جۇمىستار تۋرالى اۋىل شارۋاشىلىعىنىڭ ءبىرىنشى ۆيسە-مينيسترى ا. ەۆنييەۆ، دەنساۋلىق ساقتاۋ ءمينيسترى ە. ءبىرتانوۆ باياندادى، سونداي-اق «اتامەكەن» ۇكپ باسقارما ءتوراعاسى ا. مىرزاحمەتوۆ جانە ق ر پرەمەر-مينيسترىنىڭ ءبىرىنشى ورىنباسارى ا. مامين تۇسىنىكتەمە بەرىپ ءوتتى.
تەحنيكالىق رەتتەۋ جۇيەسىن جەتىلدىرۋ جونىندەگى شارالاردىڭ ورىندالۋىن باقىلاۋ ق ر پرەمەر-مينيسترىنىڭ ءبىرىنشى ورىنباسارى ا. مامينگە جۇكتەلدى.
