Qamshy.kz اقپارات اگەنتتىگى eurasianet.org سايتىندا جاريالانعان «قازاقستان: مورال ساقشىلارى ايەلدەردەردىڭ ارەكەتىن باقىلاعىسى كەلەدى» اتتى ماقالانى قازاقشاعا اۋدارىپ، ىقشامدالعان نۇسقاسىن نازارلارىڭىزعا ۇسىنادى.
قازاقستاندا بىرەر جىل بۇرىن ۇياتمەن اتتى جاڭا كەيىپكەر پايدا بولدى. ونى الماتىلىق بەلگىلى سۋرەتشى-كاريكاتۋراشى مۇرات ءدىلمانوۆ جاسادى.
جاقىندا ۇياتمەندەر ايجان بايزاقوۆانىڭ Zakova تۇنگى كلۋبىندا جاساعان ارەكەتىنە قارسى باس كوتەردى. كوپ ۇزاماي 22 جاستاعى ايجان بايزاقوۆا ءۇش كۇنگە قامالدى. تۇنگى كلۋبى جابىلدى.
وسىدان ەكى جىل بۇرىن دا ۇياتمەندەر شۋلاسقان ەدى. ول كەزدە استاناداعى ەر ادام مەن ايەلدىڭ ءمۇسىنى قىزۋ تالقىلاندى. قالا تۇرعىندارى مۇسىندە ايەلدىڭ كوكىرەگىنىڭ ءپىشىنى كورىنىپ تۇرعانىنا نارازىلىق بىلدىرگەن. ولاردىڭ اراسىندا تالعات شولتايەۆ تا بار. ول قىزدىڭ دەنەسىن ورامالمەن جاۋىپ قويعان بولاتىن.
تالعات شولتايەۆ وتاندىق تەلەارنانىڭ بىرىنە بەرگەن سۇحباتىندا ءمۇسىننىڭ انالار مەن اپكە-قارىداستاردى ۇياتقا قالدىراتىنىن ايتقان.
سول كەزدە ءدىلمانوۆ ءمۇسىندى جاپقان تالعات شولتايەۆتىڭ ورامالىنا ۇقساس شالىگە ورانىپ العان، تولىقشا كەلگەن ساتيرالىق كەيىپكەردى ويلاپ تاپتى.
- قازاقستاندا ۇياتتىڭ ەكى ءتۇرى بار: جاسامپاز جانە قيراتاتىن. ءبىرىنشى جاعدايدا – بالانى دۇرىس تاربيەلەۋ، ال ەكىنشىسىندە – اگرەسسيا جاتىر، — دەيدى ءدىلمانوۆ.
ال الەۋمەتتىك جانە ساياسي زەرتتەۋ ورتالىعىنىڭ پرەزيدەنتى گۇلميرا يلەۋوۆانىڭ ويىنشا، قازاقستاندا ۇجىمدىق سانا قالىپتاسقان قوعام بار. وندا ەر ادام باستى ءارى ماڭىزدى رولدە. الەۋمەتتانۋشىنىڭ ويىنشا، ەلدە مادەني يدەولوگيانى ىزدەۋ پروسەسى ءجۇرىپ جاتىر.
- قازاقستاندا قىزدارعا نەكەدەن تىس بالا تاربيەلەگەننەن گورى ءسابيىن دارەتحاناعا تاستاپ كەتكەن وڭاي. وسىنداي مورالدىق قۇندىلىق فورماسىندا ەكىنشىسى تاۋىرىرەك بولىپ كورىنەدى، - دەيدى گۇلميرا يلەۋوۆا.
راسىندا دا، ءقازىر تۋعان بالاسىن ءوز قولىمەن ءولتىرىپ، دارەتحاناعا باتىرىپ، قوقىسقا تاستاپ كەتكەن وقيعالار جيىلەپ كەتتى. كامەلەت جاسقا تولماعانداردىڭ جۇكتى بولعانىن دا ەستيتىن بولدىق. ۇلتتىق كارديوحيرۋرگيا عىلىمي ورتالىعىنىڭ دارىگەرى نۇربول احانوۆ ونىڭ ءتۇپ-تامىرى قىز بالانىڭ قازاق قىزىنا ءتان قىلىق تانىتپاعاندىعىنىڭ ناتيجەسى دەپ بىلەدى.
- «ەر ادام بۇزىلسا، وتباسى ويران بولادى. ەگەر ايەل بۇزىلسا، بۇكىل حالىق ويران بولادى» دەگەن ءسوز بار. مۇندا تەك مادەني، مورالدىق قۇندىلىقتار عانا ءسوز بولىپ تۇرعان جوق. ونداي قىزدارعا وڭ مەن سولىن تانىماعان كامەلەت جاسقا تولماعاندار قىزىعادى، ەلىكتەيدى. وسىدان جاساندى تۇسىك جاساتقاندار مەن كامەلەت جاسقا تولماعاندار اراسىندا بالا كوتەرگەندەردىڭ سانى ارتادى. سونىمەن قاتار، ۆيچ سەكىلدى اۋرۋلار پايدا بولادى، - دەيدى دارىگەر.
