ق ر ەڭبەك جانە الەۋمەتتىك قورعاۋ ءمينيسترى تامارا دۇيسەنوۆا «ابۋ-دابي پلازا» كەشەنىندە ازاماتتاردى جاپپاي جۇمىستان شىعارۋعا قاتىستى تۇسىنىكتەمە بەردى، دەپ حابارلايدى Qamshy.kz اقپارات اگەنتتىگى Sputnik قازاقستان سايتىنىڭ دەرەگىن نەگىزگە الا وتىرىپ.

«ءار كاسىپورىن وزىنە جۇمىسشى تارتقان كەزدە، جۇمىس كولەمىن بەلگىلەيدى. ابۋ-دابي پلازادا جۇمىس ىستەيتىن 4 ۇيىم ءۇشىن قۇرىلىس پەن قوسىمشا جۇمىس كولەمى بەلگىلەندى. ەندى سول جۇمىس اياقتالىپ وتىر. كەلىسىمشارت بەكىتكەن كەزدە جۇمىس مەرزىمى دە بەلگىلەنەدى. قازىرگى تاڭدا كومپانيا باسشىلارى ەڭبەك ينسپەكتورلارىنا جۇمىسشىلارىنا جوسپارلانعان جۇمىس كولەمى اياقتالىپ جاتقانىن الدىن الا حابارلاعاندارىن مالىمدەدى. ابۋ-دابي پلازاداعى ءتورت مەكەمە جۇمىسكەرلەرىنە الدىن الا ەسكەرتكەن. ءقازىر جەرگىلىكتى اتقارۋشى ورگاننىڭ ەڭبەك ينسپەكسياسى توبى وقيعا ورنىنا اتتانىپ، جۇمىس بەرۋشىلەرمەن سويلەستى. ءبىرىنشىسى، ولار جۇمىسشىلارعا جۇمىس كولەمى بەكىتىلگەن كەلىسىمشارتقا سايكەس اياقتالعانى تۋرالى حابارلاندىرۋ بەرەتىن بولدى. ورتاشا جالاقى كولەمىندە وتەماقى تولەنەدى. ءقازىر وسىنداي ۋاعدالاستىققا قول جەتتى»، — دەدى دۇيسەنوۆا. 

«ەڭبەك كودەكسىندە ناقتى كورسەتىلگەن:  كاسىپورىننىڭ ەكونوميكالىق جاعدايىنىڭ ناشارلاۋىنا بايلانىستى ازاماتتار جاپپاي جۇمىستان شىعارىلسا، ەكى ايلىق جالاقى قاراستىرىلعان. ەگەر بىرىنشىدەن، بۇل جۇمىس كولەمىنىڭ ازايۋيىنا جانە ەكىنشىدەن، بۇل تۋرالى ەڭبەك كەلىسىمشارتىن بەكىتكەن كەزدە ايتىلسا، وندا بۇل جۇمىس كولەمى ورىندالعاننان كەيىن جۇمىستان شىعارۋ دەپ سانالادى جانە وتەماقى رەتىندە ءبىر ايلىق جالاقى تولەنەدى»، — دەدى مينيستر.  

ەسكە سالىپ وتسەك، ەلوردادا سالىنىپ جاتقان "ابۋ-دابي پلازا" كەشەنىنىڭ جۇمىسشىلارى نارازىلىققا شىقتى. باق-تىڭ حابارلاۋىنشا، قۇرىلىس الاڭىندا ىستەيتىن 400-گە جۋىق ادام ءبىر كۇندە جۇمىسسىز قالعان. قۇرىلىس كومپانيالارى الدىن الا ەسكەرتپەي، وتەماقى تولەمەيتىنىن دە اشىق ايتقان كورىنەدى. 

استاناداعى ابۋ ءدابيدى جەرگىلىكتى جۇمىسشىلارمەن قاتار شەتەلدىك قۇرىلىسشىلار دا سالىپ جاتىر. ءبىراق، جاپپاي جۇمىستان قۋۋ تۋرالى توسىن بۇيرىق تەك ەل ازاماتتارىنا قاتىستى. دالادا قالعان جۇمىسشىلار بولسا، قۇرىلىس كومپانيالارى ءتيىستى وتەماقىنى تولەگەنشە  تىنىم تاپپايمىز دەپ وتىر.

دۇيسەنوۆا ەڭبەك ينسپەكسياسىنىڭ جۇمىسى اياقتالعاننان كەيىن، قوسىمشا اقپارات حابارلاناتىنىن اتاپ ءوتتى.