ماقتارال اۋدانىنىڭ قالا، كەنت، اۋىلدىق وكرۋگتەرىندە اۋدان اكىمى ع. يسمايلوۆتىڭ 2017 جىلدا جاسالعان جۇمىستارى بويىنشا قورىتىندى ەسەپتىك كەزدەسۋى ءوتىپ جاتىر. تۇرعىندار جاسالعان جۇمىستارعا قاناعاتتانارلىق دەگەن باعا بەرىپ، اۋداندا قۇرىلىس نىساندارىنىڭ جۇمىسى قارقىنداعانىن جىلى قابىلدادى.
ماقتالى ولكەدە تۇرعىن ءۇي قۇرىلىسى ءۇشىن 2017 جىلى 344 جەر تەلىمى ءبولىنىپ، قۇرىلىس جۇمىستارى جۇرگىزىلگەن. سونداي-اق، جالپى كولەمى 24،9 مىڭ شارشى مەتردى قۇرايتىن 176 تۇرعىن ءۇي پايدالانۋعا قابىلدانىپتى. مىرزاكەنت، اتاكەنت، اسىقاتا كەنتتەرىنىڭ بازار ايماعىنداعى كولىك كەپتەلىسىن رەتكە كەلتىرۋ، اباتتاندىرۋ، كوگالداندىرۋ، جاياۋ اياقجول قۇرىلىستارىنى جۇمىسى جۇرگىزىلىپ، پايدالانۋعا بەرىلگەن.
ۇستىمىزدەگى جىلى جالپى قۇنى 8،9 ملرد. تەڭگەنى قۇرايتىن 4700 وقۋشىعا ارنالعان 12 مەكتەپتىڭ قۇرىلىسى جۇرگىزىلىپ، ونىڭ 3-ەۋى وقۋ جىلى قارساڭىندا ەل يگىلىگىنە بەرىلسە، قالعان 8 مەكتەپ اعىمداعى جىلى، 1 مەكتەپ كەلەسى جىلى پايدالانۋعا تاپسىرىلادى دەپ كۇتىلۋدە. سونداي-اق، وتكەن جىلى 2 دارىگەرلىك امبۋلاتوريا، 4 فەلدشەرلىك اككۋشەرلىك پۋنكت، قاراقاي، ماقتالى اۋىلدىق وكرۋگ اكىمى اپپاراتىنىڭ اكىمشىلىك عيماراتتارىنىڭ دا رەسمي اشىلۋ سالتاناتى بولىپ وتكەن بولاتىن.
اۋدان باسشىسى ع.يسمايلوۆ ەسەپتى كەزدەسۋىندە: "2007 جىلى اۋدانداعى مەكتەپتەردىڭ 50ء-ى عانا ءتيپتى عيماراتتاردا ورنالاسقان بولسا، قازىرگى تاڭدا ولاردىڭ سانى 99-عا جەتتى. ءدال وسىلاي جوعارى قارقىنمەن قۇرىلىس جۇمىستارىن جۇرگىزۋ ارقىلى الداعى 3-4 جىلدا ءبىلىم بەرۋ نىساندارىن تولىقتاي ءتيپتى مەكتەپتەرگە اينالدىرامىز" - دەدى.
جەتىساي قالاسىنىڭ وڭتۇستىك بولىگىندە ىنتىماق ەلدى مەكەنىنە دەيىنگى ارالىقتاعى 80 گەكتار جەر تەلىمىنە 60 پاتەرلى 2 تۇرعىن ءۇي، 20 پاتەرلى 4 تۇرعىن ءۇي، 40 پاتەرلى 6 تۇرعىن ۇيگە جەر ءبولىنىپ، جسق دايىندالدى. ءبىرىڭعاي 5 قاباتتى تۇرعىن ۇيلەردىڭ قۇرىلىسى اعىمداعى جىلى باستالادى.
بىلتىر جالپى قۇنى 229،2 ملن. تەڭگەنى قۇرايتىن 62 نىساننىڭ جوبالاۋ-سمەتالىق قۇجاتامالارى ازىرلەنىپ، 28-نە مەملەكەتتىك ساراپتامانىڭ وڭ قورىتىندىسى الىنعان جانە ونىڭ 34ء-ى بيىلعا وتكەن. ونىڭ ىشىندە جوعارىدا اتالعان كوپ قاباتتى تۇرعىن ۇيلەردەن بولەك، 200 ورىندىق 10 مەكتەپ، 300 ورىندىق 11 مەكتەپ، 1 پاتەرلى 24 تۇرعىن ءۇي، 3 سپورت نىسانى، جۇمىسپەن قامتۋ ءبولىمى مەن مۇگەدەكتەر ءۇيىنىڭ عيماراتى نىساندارى بار.
