قازاقستاندا جۋرناليستەرگە ارنالعان باسپانالىق باعدارلاما دايىنداۋ ماسەلەسى قاراستىرىلىپ جاتىر. اتالعان باعدارلاما الدىمەن استانادان باستالماق. ءقازىر باستاماشىل توپ تۇرعىن ءۇي قۇرىلىس جيناق بانكى جانە قۇرىلىس كومپانيالارىمەن  ىڭعايلى شارتتاردى قاراستىرۋ ۇستىندە.

ەڭ الدىمەن ءوتىنىش بەرۋشى ب ا ق سالاسىنىڭ قىزمەتكەرى بولۋى قاجەت. بۇدان باسقا دا بىرنەشە تالاپتارى بار.  ءتۇقجب سالىمشىسى بولۋى مىندەتتى، باسپانا قۇنىنىڭ 30 پايىزى تولەنۋى كەرەك. سوڭعى 30 كۇن كولەمىندەگى نەسيە تاريحى جانە ءۇش قوسالقى قارىز الۋشىنى تارتۋ سياقتى تالاپتارى بار.

جاقسارتىلعان جاعدايدا ساتىلاتىن پاتەرلەردىڭ  اۋدانى 36-دان 96 شارشى مەترگە دەيىن بارماق. ءبىر شارشى مەتردىڭ قۇنى 240 مىڭ تەڭگە دەپ كۇتىلەدى.

«ءبىز ب ا ق قىزمەتكەرلەرى، حالىق يگىلىگىنە جۇمىس ىستەپ كەلە جاتقان ماماندار رەتىندە اكىمدىكتەن تۇرعىن ءۇي قۇرىلىسىن جۇرگىزۋگە ارنالعان قايتارىمسىز جەر ۋچاسكەسىن سۇرايمىز. ازىرگە ءبىزدىڭ جوسپارىمىز 200 پاتەر، الايدا قاتىسۋشىلاردىڭ سانى 300، ءتىپتى 500-گە دەيىن ءوسۋى مۇمكىن. شارشى مەتردىڭ دە باعاسى تومەندەيدى دەگەن ءۇمىت بار. ءتۇقجب مەن كەلىسسوزدەر جۇرگىزىلدى، بانك ءبىزدى قولداپ كۇتىپ وتىر. سونىمەن قاتار بىرنەشە قۇرىلىس كومپانياسىمەن دە كەلىسسوزدەر جۇرگىزدىك. قۇرىلىس نىسانىن، ونىڭ ورىنىن، قانشا قابات جانە نەشە پاتەر بولاتىنىن انىقتاۋ ءۇشىن بىزگە الداعى ۋاقىتتاعى ىقتيمال ساتىپ الۋشىلاردىڭ ءتىزىمىن دايىنداۋ كەرەك. 15 اقپانعا دەيىن باستاپقى ءتىزىمدى بانككە كورسەتۋدى جوسپارلاپ وتىرمىز»، - دەيدى باستاماشىل توپ مۇشەلەرى.

مەسسەندجەرلەردىڭ بىرىندە ب ا ق قىزمەتكەرلەرىنە ارنالعان چات جۇمىس ىستەپ تۇر. تىزىمگە قوسىلعىسى كەلگەندەر سول جەرگە وزدەرى تۋرالى اقپارات ۇسىنا الادى.

ء-اتى-جونى

-جسن

-جۇمىس ورىنى، قىزمەتى

-قاجەتتى شارشى مەتر

-تەلەفون نومەرى

باستاپاشىل توپ مۇشەلەرىمەن +7 (778) 388-89-98، +7 (707) 923-16-85 تەلەفون نومىرلەرى ارقىلى بايلانىسۋعا بولادى.