باقتيار ارتايەۆ "Astana Arlans" بوكس كلۋبىنىڭ باس مەنەدجەرى بولىپ تاعايىندالدى، دەپ حابارلادى Qamshy.kz اقپارات اگەنتتىگى كلۋبتىڭ باسپا ءسوز قىزمەتىنە سىلتەمە جاساي وتىرىپ.   

باقتيار ارتايەۆ  1983 جىلدىڭ 14 ناۋرىزىندا جامبىل قالاسىندا تۋعان. 

2004 جىلى بوكستان وليمپيادا چەمپيونى، ۆەل باركەر كۋبوگىنىڭ يەگەرى، الەم چەمپيوناتىنىڭ ەكى دۇركىن قولا جۇلدەگەرى (2005، 2007). ازيا ويىندارىنىڭ كۇمىس جۇلدەگەرى، 7 دۇركىن قازاقستان چەمپيونى، حالىقارالىق دارەجەدەگى ەڭبەك سىڭىرگەن سپورت شەبەرى.

باقتيار عاريفوللا ۇلى ارتايەۆ  م.ق.دۋلاتي اتىنداعى تاراز مەملەكەتتىك ۋنيۆەرسيتەتىندە جانە قازاق سپورت جانە تۋريزم اكادەمياسىندا ءبىلىم الدى. 2014 — 2016 جىلدارى ۇلىبريتانيادا بيزنەس مەنەدجمەنت كۋرستارىن ءتامامداعان. قازىرگى تاڭدا قاراعاندى ەكونوميكالىق ۋنيۆەرسيتەتىندە، ەكونوميكا سالاسى بويىنشا جەرگىلىكتى باسقارۋ ماماندىعىنىڭ ماگيستراتۋراسىن وقىپ جاتىر.

2008 جىلى ب.ارتايەۆ اتىنداعى بوكس سارايىنىڭ ديرەكتورى بولىپ تاعايىندالدى. 2008-2009 جىلى جامبىل وبلىسى جامبىل اۋدانى ءايشابيبى اۋىلدىق وكرۋگىنىڭ اكىمى بولدى. 2009-2010 جىلدارى جامبىل وبلىسى تۋريزم، دەنە شىنىقتىرۋ جانە سپورت باسقارماسىنىڭ باستىعى قىزمەتىنە تاعايىندالدى. 

2011 جىلى جامبىل وبلىسى اكىمى اپپاراتى باسشىسىنىڭ ورىنباسارى بولدى.  2012 جىلى 24 جەلتوقساندا "استانا" پرەزيدەنتتىك كاسىبي سپورت كلۋبىنىڭ پرەزيدەنتى بولىپ تاعايىندالدى. 2013 جىلدىڭ قاراشا ايىنان دۇنيەجۇزىلىك بوكس سەرياسى كوميسسياسىنىڭ مۇشەسى قىزمەتىن اتقاردى.

2016 جىلى جەلتوقسان ايىندا "تارلان باتىرلارى" ج ش س  ديرەكتورى بولىپ تاعايىندالدى.

باقتيار عاريفوللا ۇلى ارتايەۆ 1ء-شى دارەجەلى "بارىس" وردەنىمەن ماراپاتتالعان، "دارىن" سىيلىعىنىڭ يەگەرى، گرەكيا رەسپۋبليكاسىنىڭ قۇرمەتتى ازاماتى، تاراز قالاسىنىڭ قۇرمەتتى ازاماتى.

ايتا كەتەيىك، 2010 جىلى "Astana Arlans" كلۋبىنىڭ ءبىرىنشى باس ديرەكتورى بولات مانكەنوۆ بولعان، ودان كەيىن ول ورىنعا وليمپيادا چەمپيونى سەرىك ساپييەۆ تاعايىندالدى.