جامبىل وبلىسىنىڭ بۇرىنعى اكىمى كارىم كوكىرەكبايەۆ قازاقستاننىڭ قىرعىزستانداعى ەلشىسى بولىپ تاعايىندالدى، دەپ حابارلايدى Qamshy.kz اقپارات اگەنتتىگى اقوردانىڭ رەسمي سايتىنىڭ دەرەگىنە سۇيەنىپ.
«مەملەكەت باسشىسىنىڭ جارلىعىمەن كارىم ناسبەك ۇلى كوكىرەكبايەۆ قازاقستان رەسپۋبليكاسىنىڭ قىرعىز رەسپۋبليكاسىنداعى توتەنشە جانە وكىلەتتى ەلشىسى قىزمەتىنە تاعايىندالدى»، — دەپ حابارلانعان سايتتا.
ال وسى ۋاقىتقا دەيىن كورشى مەملەكەتتە ەلشى بولعان ايىمدوس بوزجىگىتوۆ مەملەكەت باسشىسىنىڭ جارلىعىمەن قىزمەتىنەن بوساتىلدى.
ايتا كەتسەك، بيىل قاڭتاردا نۇرسۇلتان نازاربايەۆ كارىم كوكىرەكبايەۆتى جامبىل وبلىسىنىڭ اكىمى قىزمەتىنەن بوساتتى. ول وبلىستى ءتورت جىلدان استام باسقاردى. ونىڭ ورنىنا اسقار مىرزاحمەتوۆ تاعايىندالعان بولاتىن.
پىكىر قالدىرۋ