بۇگىن الماتى قالاسىنىڭ جەرگىلىكتى اسكەري باسقارۋ ورگاندارىندا قازاقستان رەسپۋبليكاسىندا ءدىني ەكسترەميزم مەن تەرروريزيمگە قارسى ءىس-قيمىل جونىندەگى مەملەكەتتىك باعدارلاماسىنا سايكەس «اسكەري قىزمەتشىلەردى جانە ولاردىڭ وتباسى مۇشەلەرىن دىني-ەكسترەميزم مەن تەرروريزمنىڭ دەسترۋكتيۆتى يدەولوگيا ىقپالىنان ساقتاۋ جانە ءتۇسىندىرۋ» تاقىرىبىندا ونكۇندىك ءوتتى، دەپ حابارلايدى Qamshy.kz اقپارات اگەنتتىگى.

ونكۇندىكتىڭ باستى ماقساتى – ەلىمىزدەگى ءدىني ەكسترەميزم كورىنىستەرىنىڭ الدىن الۋ جانە تەرروريزم قاتەرلەرىنە جول بەرمەۋ ارقىلى ادامنىڭ، قوعامنىڭ مەملەكەتتىڭ قاىپسىزدىگىن قامتاماسىز ەتۋ، اسكەري قىزمەتشىلەردىڭ ءدىني ساۋاتتىلىقتارىن كوتەرۋ. سونىمەن قاتار، ءدىني ەكسترەميزم مەن تەرروريزمنىڭ كورىنىستەرىن، سونىڭ ىشىندە جەرگىلىكتى اسكەري باسقارۋ ورگاندارى قىزمەتىن قامتاماسىز ەتۋ جۇيەسىن جەتىلدىرۋ جولىمەن انىقتاۋ مەن جولىن كەسۋدىڭ تيىمدىلىگىن ارتتىرۋ. ونكۇندىكتى وتكىزۋ بارىسىندا الماتى وڭىرلىك گارنيزونى اسكەري پوليسيا جاساعى باستىعىنىڭ ورىنباسارى پودپولكوۆنيك تلەۋجانوۆ گ. «قازاقستان رەسپۋبليكاسىنداعى ءدىني ۇيىمدار تۋرالى» تاقىرىبىندا ءدارىس وتكىزدى. دارىستە ەكسترەميزتىك جانە تەرروريستىك ارەكەتتەردىڭ سالدارلارى تۋرالى ۆيدەوروليك كورسەتىلدى. اتالعان ونكۇندىكتە ەڭ الدىمەن اسكەري قىزمەتشىلەر ورتاسىندا ءدىني ەكسترەميزمنىڭ الدىن الۋدى كۇشەيتۋ قاجەتتىلىگىنە، سونداي-اق ءدىني سانانىڭ قالىپتاسۋىنا ەرەكشە نازار اۋدارىلدى. سونداي-اق ءدىني ەكسرەميزم مەن تەرروريزمگە قارسى ءىس-قيمىل بويىنشا اعىمداعى جاعدايدى تالداندى.

اتاپ وتەتىن ءجايت، ءدىني ەكستەريمزگە قارسى ءىس-قيمىل بويىنشا الماتى قالاسىنىڭ جەرگىلىكتى اسكەري باسقارۋ ورگاندارى مەن الماتى وڭىرلىك گارنيزونىنىڭ اسكەري پوليسيا جاساعى تۇراقتى تۇردە تىعىز جۇمىس جاساپ كەلەدى.

قارلىعاش مۇسابەك قىزى

الماتى قالاسى قورعانىس ىستەرى جونىندەگى دەپارتامەنتى