مۇرات حيزمەتوۆ كاسىپورىننىڭ ۇزدىك قىزمەتكەرلەرى تۇركيا، اراب امىرلىكتەرىنە جولدامامەن ماراپاتتالاتىنىن ايتتى، دەپ جازادى Qamshy.kz اقپارات اگەنتتىگى.

بۇل تۋرالى الماتى قالاسىنىڭ وڭىرلىك كوممۋنيكاسيالار قىزمەتىنىڭ الاڭىندا الماتى كوپىر قۇرىلمالارى زاۋىتى ديرەكتورىنىڭ الەۋمەتتىك ماسەلەلەر جونىندەگى ورىنباسارى مۇرات حيزمەتوۆ باياندادى.

ونىڭ ايتۋىنشا، «الماتى كوپىر قۇرىلىمى زاۋىتى» ج ش س 1963 جىلى قۇرىلعان جانە بۇگىندەرى رەسپۋبليكامىزدا جول-قۇرىلىس سالاسىنداعى جۇيە ءتۇزۋشى كاسىپورىن بولىپ تابىلادى.

كاسىپورىن 500-دەن اسا قىزمەتكەر ەڭبەك ەتىپ كەلەدى. زامانۋي ماتەريالدىق بازا ارقاسىندا «ازمك» ج ش س ەلەۋلى وندىرىستىك جەتىستىكتەرگە جەتۋ مۇمكىندىگىنە يە بولدى. ءبىزدىڭ قىزمەتكەرلەرىمىزدىڭ دەنساۋلىعى زاۋىت باسشىلىعىنىڭ باستى نازارىندا تۇرعان ماسەلە. سوندىقتان دا، الەۋمەتتىك سالاعا ەرەكشە نازار بولىنەدى. جىل سايىن وسى ماقساتتا ءبىز 60 ملن. تەڭگەدەن استام قاراجات ءبولىپ كەلەمىز،-دەدى ول ءوز سوزىندە.

كاسىپورىندا ءوز مەديسينالىق ورتالىعىمىز قىزمەت ەتەدى. جىل سايىن كاسىپورىن ەسەبىنەن پروفيلاكتيكالىق مەديسينالىق تەكسەرۋلەر وتكىزىلەدى. ءار قىزمەتكەرگە مەديسينالىق كارتا اشىلعان جانە كاسىپورىننىڭ مەديسينالىق قىزمەتكەرلەرى ءاربىر جۇمىسكەرىمىزدى ساۋىقتىرۋ بويىنشا ۇلكەن پروفيلاكتيكالىق جۇمىستار جۇرگىزىپ وتىرادى،-دەپ حابارلادى.

ونىڭ اقپاراتىنشا، ۇىزمەتكەرلەرگە قامقورلىق كورسەتۋگە قاراي، ادام دەنساۋلىعىنا قاجەت بارلىق جاعدايلار جاسالعان. جۇمىس بەرۋشى مەن ەڭبەك ۇجىمى اراسىندا قارىم-قاتىناستى رەتتەۋشى 12 بولىمنەن تۇراتىن ۇجىمدىق شارت جاسالعان. 

زاۋىت اسحاناسى جۇمىسكەرلەردى كالورياسى جوعارى تاعامدارمەن قامتاماسىز ەتەدى. ۇجىمدىق شارتقا سايكەس تۇسكى استىڭ 50%-ىن كاسىپورىن تولەيدى.

شاشتاراز قىزمەت كورسەتەدى. ايەلدەر جانە ەرلەردىڭ شاشتارىن قىسقارتۋ بويىنشا شەبەر جۇمىس ىستەيدى. جۇمىسكەرلەرگە قىزمەت كورسەتەتىن دۇكەن جۇمىس جاسايدى. 

ترەنارجەرلارى بار، ساۋناسى مەن باسسەينى، دەمالىس بولمەسى مەن فيتوبارى بار فيتنەس كلۋب قىزمەت كورسەتەدى. جاتتىعۋدى كاسىبي نۇسقاۋشى جۇرگىزەدى. 

قىزمەتكەرلەرىمىزبەن ارادا، ولاردىڭ ەڭبەك دەمالىستارى كەزىندە ەلىمىزدەگى شيپاجايلاردا دەمالۋىنا شارتتار جاسالعان،-دەپ ءسوزىن تولىقتىردى. 

كاسىپورىننىڭ ۇزدىك جۇمىسكەرلەرى تۇركيا، اراب امىرلىكتەرىنە جولدامالارمەن ماراپاتتالىپ، ىنتالاندىرىلادى. سوڭعى 2 جىلدا تۋريستىك جولدامامەن ءبىزدىڭ 46 قىزمەتكەرىمىز دەمالىپ كەلدى، ال وتكەن جىلى 35 قىزمەتكەرىمىز قارقىندى دامىپ كەلە جاتقان ەلىمىزدىڭ باس قالاسى – استاناعا دەمالىسپەن بارىپ قايتتى.

الماتى قالاسى دەنساۋلىق ساقتاۋ باسقارماسىنىڭ ۇيىمداستىرۋىمەن وتەتىن «اسىل الما» قالالىق بايقاۋىنىڭ قورىتىندىسى بويىنشا «ازمك» ج ش س «كاسىپورىندا سالاۋاتتى ءومىر سالتىن ساقتاۋعا جاعداي جاسايتىن ۇزدىك جۇمىس بەرۋشى» نوميناسياسىندا ەكى جىل قاتار 1-ورىنعا يە بولاتىندىعىن اتاپ ايتتى ول.

كاسىپورىندا جىل سايىن وتكىزىلەتىن دياگنوستيكا بارىسىندا الەۋمەتتىك دەرتتەردىڭ ءبىرى بولىپ تابىلاتىن «تۋبەركۋلەز» كاسىپورىن جۇمىسكەرلەرى اراسىندا ايقىندالعان جوق. 

ءبىز، قازاقستاندا اتالعان سىرقاتتى دياگنوستيكالاۋ مەن ەمدەۋگە بيۋدجەتتەن اۋقىمدى قاراجات بولىنەتىندىگىن جانە بۇل باعىتتا بىرەگەي باعدارلاما جۇمىس ىستەيتىنىن بىلەمىز،-دەپ ءسوزىن اياقتادى م.حيزماتوۆ.