وزبەكستاندا كۇيەۋ جىگىت تويدىڭ الدىندا قالىڭدىعىنان ارزان جاساۋى ءۇشىن باس تارتتى. بۇل وقيعا وزبەكستاندىق «ەشلار» تەلەارناسىنان كورسەتىلدى، دەپ Qamshy.kz اقپارات اگەنتتىگى Nur.uz-عا سۇيەنىپ جازادى. 

وزبەكستاننىڭ باتىسىنداعى نوۆوي قالاسىندا جاس جىگىت قالىڭدىقتىڭ جاساۋىن كورگەندە ودان باس تارتتى. ارتىنشا بەرگەن سۇحباتىندا جىگىت ۇيلەنگەلى وتىرعان قىزدىڭ ارتىنان كەلەتىن دۇنيەنىڭ باعالىراق بولۋىن كۇتكەنىن ايتتى.

-قىزدىڭ وتباسى ايتارلىقتاي داۋلەتتى جانە جاساۋىن تۇرىكشە زاتتاردان جيناپ بەرەدى دەپ ۇمىتتەنگەنمىن. ال ولار بولسا، جەرگىلىكتى گيجدۋۆاندىق بازاردان ارزان زاتتاردى الىپ كەلمەكشى بولعان. مەن ونىڭ ارتىنان كەلەتىن دۇنيەنىڭ باعالى بولۋىن كۇتتىم،-دەدى كۇيەۋ جىگىت.

جىگىتتىڭ وكپەسى ايتىلعان ۆيدەو تاعاننان سوڭ تاشكەنتتىڭ باس يمامى انۆار-كوري تۋرسۋنوۆ كۇيەۋ جىگىتتىڭ قالىڭدىقتان ەشتەڭە كۇتپەۋى كەرەكتىگىن ءتۇسىندىردى.

وزبەكستاندا مۇنداي وقيعالار ءجيى كەزدەسىپ تۇرادى. ماتەريالدىق جاعدايدىڭ تومەندىگىنەن تەك تويلار عانا ەمەس، قالىپتاسقان شاڭىراقتار دا شايقالىپ وتىرادى. سول ءۇشىن سوڭعى ۋاقىتتا ەلدە نەكەگە تۇرۋ ءراسىمى قيىنداتىلدى جانە وتباسىن قۇرۋعا بەل بۋعاندار وتباسىلىق ءومىردىڭ نەگىزى تۋرالى ءبىلۋى مىندەتتەلگەن.