قازاقستان فۋتبول فەدەراسياسىنىڭ كەزەكتەن تىس كونفەرەنسياسىندا فەدەراسيا پرەزيدەنتى لاۋازىمىنا ق ر پرەزيدەنتى اكىمشىلىگىنىڭ باسشىسى ادىلبەك جاقسىبەكوۆ سايلاندى، دەپ حابارلايدى Qamshy.kz اقپارات اگەنتتىگى Sports.kz سايتىنا سىلتەمە جاساپ.
شەشىم ءبىراۋىزدان قابىلداندى. جالعىز كانديداتقا فەدەراسيانىڭ جيىنعا قاتىسقان بارلىق مۇشەسى - 33 دەلەگاتى داۋىس بەردى. ادىلبەك رىسكەلدى ۇلى ءبىر لاۋازىمعا العاش رەت سايلانىپ وتىرعان جوق. ول بۇعان دەيىن 2007 جىلى وتاندىق فۋتبولعا جەتەكشىلىك ەتىپ، قىزمەتىن 2014 جىلدىڭ سوڭىنا دەيىن اتقارعان ەدى.
سونىمەن قاتار ادىلبەك جاقسىبەكوۆتىڭ كەزىندە 2013 جىلى قاراعاندىلىق «شاحتەر» كومانداسى قازاقستاننىڭ فۋتبول تاريحىندا ەڭ ءبىرىنشى بولىپ ەۋروكۋبوك ءتۋرنيرىنىڭ توپتىڭ كەزەڭىنە ءوتتى. ال كەلەسى جىلى قازاقستان بۇكىل پوتسكەڭەستىك كەڭىستىك اۋماعىندا ەڭ ءبىرىنشى بولىپ ۋەفا كونگرەسىنە قابىلداندى.
پىكىر قالدىرۋ