پرەمەر-مينيستر باقىتجان ساعىنتايەۆ ۇكىمەتتىڭ كەڭەيتىلگەن وتىرىسىندا ق ر پرەزيدەنتى العا قويعان مىندەتتەردى ورىنداۋ بويىنشا ۇكىمەت وتىرىسىن وتكىزدى، دەپ حابارلادى Qamshy.kz اقپارات اگەنتتىگى Primeminister.kz سايتىنا سىلتەمە جاساي وتىرىپ. ساعىنتايەۆتىڭ توراعالىعىمەن وتكەن ۇكىمەت وتىرىسىندا مەملەكەت باسشىسىنىڭ 2018 جىلدىڭ 9 اقپانىنداعى ۇكىمەتتىڭ كەڭەيتىلگەن وتىرىسىندا بەرگەن تاپسىرمالارىن ورىنداۋ شارالارى قارالدى.

وتىرىس بارىسىندا قارجى ءمينيسترى سۇلتانوۆتىڭ، ۇلتتىق ەكونوميكا ءمينيسترى سۇلەيمەنوۆتىڭ، ينۆەستيسيالار جانە دامۋ ءمينيسترى قاسىمبەكتىڭ، ەنەرگەتيكا ءمينيسترى بوزىمبايەۆتىڭ، اقپارات جانە كوممۋنيكاسيالار ءمينيسترى ابايەۆتىڭ، دەنساۋلىق ساقتاۋ ءمينيسترى ءبىرتانوۆتىڭ، ءبىلىم بەرۋ ءمينيسترى ساعادييەۆتىڭ ۇكىمەتتىڭ كەڭەيتىلگەن وتىرىسىندا مەملەكەت باسشىسى قويعان مىندەتتەردى ورىنداۋ ماسەلەلەرى جونىندەگى ەسەپتەرى تىڭدالدى.

سونداي-اق، تالقىلاۋعا ۇلتتىق بانك ءتوراعاسى اقىشيەۆ، ق ر پرەمەر-مينيسترىنىڭ ءبىرىنشى ورىنباسارى مامين، ق ر پرەمەر-مينيسترىنىڭ ورىنباسارلارى شوكەيەۆ، دوسايەۆ، جۇماعالييەۆ جانە "اتامەكەن" ۇكپ باسقارما ءتوراعاسى مىرزاحمەتوۆ قاتىستى. وتىرىس قورىتىندىسى بويىنشا پرەمەر-مينيستر باقىتجان ساعىنتايەۆ مەملەكەتتىك ورگانداردىڭ ءار باسشىسىنىڭ جەكە جاۋاپكەرشىلىگىن اتاپ ءوتىپ، ناقتى تاپسىرمالار بەردى.

ەسكە سالا كەتەيىك، كەشە، 9 اقپاندا اقوردادا قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ قاتىسۋىمەن ۇكىمەتتىڭ كەڭەيتىلگەن وتىرىسى ءوتتى. وتىرىستا نازاربايەۆ ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆاعا مىندەتتى الەۋمەتتىك مەديسينالىق ساقتاندىرۋدى ەنگىزۋ ماسەلەسىنە قاتىستى سىن ايتقان بولاتىن. ءدال وسى كۇنى ءمادينا ءابىلقاسىموۆا ەڭبەك جانە حالىقتى الەۋمەتتىك قورعاۋ ءمينيسترى بولىپ تاعايىندالدى.