وبلىس ورتالىعىنىڭ جولاۋشىلارىنا تەگىن ينتەرنەت جۇيەسى تارتىلعان قوعامدىق كولىكتەر قىزمەت كورسەتپەك دەپ حابارلايدى "كتك" ارناسى.
ورتالىق الاڭدا ءتىزىلىپ تۇرعان مىنا سۋ جاڭا 200 اۆتوبۋستىڭ وزگە قوعامدىق كولىكتەردەن ەرەكشەلىگى كوپ. بىرىنشىدەن اۋانى از لاستايتىن گازبەن جۇرەدى.
ال ەڭ باستىسى ەندى كولىكتەردە اندەردى تەگىن جۇكتەپ، الەۋمەتتىك جەلىلەردە ءىش پىستىرماي ۋاقىت وتكىزە الاسىز. جولاۋشىلار تاسىمالداۋ كومپانياسى مۇنداي 200 اۆتوبۋس ءۇشىن ەكى جارىم ميلليارد تەڭگە جۇمساپتى.
جاڭا اۆتوبۋستاردى تىزگىندەيتىن جۇرگىزۋشىلەرگە دە ارنايى ۋنيفورما تىگىلگەن ەكەن. ەسكى كولىكتەرىنەن قۇتىلعانىنا قۋانىپ جۇرگەندەردىڭ دە دەنى سول جۇرگىزۋشىلەر.
"5 جىلدان بەرى اۆتوبۋس ايداپ ءجۇرمىز. بۇنداي سۋ جاڭا اۆتوبۋس كورگەن جوقپىز. ەندى ەلدىڭ ءبارى وسى اۆتوبۋسقا جۇگىرىپ، باسقا اۆتوبۋسقا مىنبەي قوياتىن شىعار دەپ ويلايمىن"، - دەيدى اۆتوبۋس جۇرگىزۋشىسى جاڭابەك ءتاجىمۇراتوۆ.
