وسى وقيعاعا بايلانىستى نارازىلىق بىلدىرگەن اۋىل جاستارىنىڭ اراسىندا ءتۇسىندىرۋ جۇمىستارى جۇرگىزىلىپ، تارتىپكە شاقىرىلدى.

بۇدان بولەك وبلىس اكىمدىگىنىڭ ماماندارى مەن پروكۋراتۋرا قىزمەتكەرلەرى بىرلەسىپ، اۋىلدارداعى تۇرعىندارعا ءتۇسىندىرۋ جۇمىستارىن جۇرگىزدى. قۇرامىندا جەرگىلىكتى اتقارۋشى ورگان قىزمەتكەرلەرى، اۋىل اقساقالدارى مەن زيالى قاۋىم وكىلدەرىنەن قۇرالعان توپتار اۋدانداعى بارلىق مەكتەپتەر مەن قوعامدىق ورىنداردا كەزدەسۋلەر وتكىزۋدە. تارتىپسىزدىك ورىن العان اۋىل مەن سول ماڭداعى ەلدى مەكەندەردىڭ ساۋدا نۇكتەلەرىندە ىشىمدىك ساتۋعا تيىم سالىندى.

قايعىلى وقيعاعا بايلانىستى جەرگىلىكتى تاجىك دياسپوراسىنىڭ اقساقالدارى مەن جاستارى مارقۇمنىڭ ۇيىنە بارىپ كەشىرىم سۇراپ، بولاشاقتا تۇراقتىلىقتى قامتاماسىز ەتۋ ءۇشىن بىرلەسكەن شەشىمگە كەلدى. سونىمەن بىرگە كورشىلەس اۋىل جاستارىن سابىرلىققا شاقىرىپ، زاڭ بۇزۋشىلىققا جول بەرمەۋ كەرەكتىگىن ايتىپ وتىر.

وقو اكىمدىگىنىڭ باسپا ءسوز قىزمەتى حابارلاۋىنشا قازىرگى ۋاقىتتا اۋىلدا تىنىشتىق ورناعان.