الماتىدا بەلگىسىز ازامات لوتەرەيا اپپاراتىن جۇرتتىڭ كوزىنشە بۇزىپ اشىپ، ىشىندەگى اقشاسىن ۇرلاپ كەتتى دەپ حابارلايدى "NewTimes.kz".
ميحايل كلەنچين ەسىمدى ازامات ءوزىنىڭ فەيسبۋك پاراقشاسىندا الماتىنىڭ ورتالىعىنداعى ساۋدا ورىندارىنىڭ بىرىندە ورىن العان جايتتىڭ بەينەجازباسىن جاريالادى.
وندا جاس جىگىت تەمىر قۇرالمەن لوتەرەيا اپپاراتىنىڭ اۋزىن بۇزىپ اشىپ، ىشىندەگى اقشانى تۇگەل ۇرلاپ الىپ كەتكەنى انىق كورىنىپ تۇر.
بۇل جايت ساۋدا ورتالىعىنا كەلۋشىلەردىڭ كوزىنشە ورىن العان. كۇدىكتى جىگىت تە بۇل ارەكەتكە ەش ساسپاستان بارعانى كوپشىلىكتى تاڭ قالدىردى. BAQ.kz
