وبلىستىق جانە اۋىلىشىلىك جولداردى جوندەۋگە جەرگىلىكتى بيۋدجەتتەن جىل سايىن 25 ملرد تەڭگەدەن استام قارجى ءبولىنىپ، جەرگىلىكتى جولداردىڭ 78%ء-ىنىڭ جاعدايى ءبىرشاما جاقساردى. بۇل تۋرالى وبلىس اكىمى اماندىق باتالوۆتىڭ تۇرعىندار الدىنداعى ەسەپ بەرۋ جيىنىندا ايتىلدى، - دەپ حابارلايدى Qamshy.kz اقپارات اگەنتتىگى الماتى وبلىسى اكىمىنىڭ باسپا ءسوز قىزمەتىنە سىلتەمە جاساپ.

«نۇرلى جول» باعدارلاماسىنىڭ اياسىندا الەمدىك زاماناۋي ستاندارتتارعا سايكەس «باتىس ەۋروپا – باتىس جۇڭگو»، «الماتى – تالدىقورعان» اۆتوكولىك جولدارى جاسالدى. وتكەن جىلدىڭ وزىندە عانا كولىك قىزمەتىنىڭ كولەمى  10%-عا ءوسىپ، 500 ملرد تەڭگەگە جەتكەن.

وسى جىلى «تالدىقورعان-وسكەمەن»، «ءۇشارال-دوستىق»، «ۇزىناعاش-وتار»، «كۇرتى-بۋرىلبايتال» اۆتوكولىك جولدارىنىڭ قۇرىلىسى باستالىپ، سونىڭ ناتيجەسىندە ءوڭىردىڭ ترانزيتتىك الەۋەتى بۇرىنعىدان دا ارتا تۇسپەك.

جالپى الماتى وبلىسىنداعى اۆتوكولىك جولدارىنىڭ ۇزىندىعى 9334 شاقىرىم بولسا، سونىڭ 6788 شاقىرىمى – جەرگىلىكتى ماڭىزداعى جولدار.