وتكەن جىلى الماتى وبلىسىنا كەلگەن تۋريستەر سانى 1،5 ملن ادام بولسا، سونىڭ ىشىندە 750 مىڭنان استام ادام الاكولدىڭ ۇلەسىندە. دەمالۋعا جەتىسۋدى قولايلى كورەتىندەردىڭ سانى بيىل 2 ميلليونعا جەتەدى دەپ مەجەلەنىپ وتىر. بۇل تۋرالى وبلىس اكىمى اماندىق باتالوۆ تۇرعىندارمەن بولعان ەسەپتى كەزدەسۋىندە ايتتى، - دەپ حابارلايدى Qamshy.kz اقپارات اگەنتتىگى الماتى وبلىسى اكىمىنىڭ باسپا ءسوز قىزمەتىنىڭ مالىمەتىنە سۇيەنىپ.

تۋريزمدە ىرگەلى ماقساتتارعا قول جەتكىزۋ ءۇشىن بيىلعى جىلى ەكى ءىرى جوبا قولعا الىنعان. ولار – الاكول كولى جاعالاۋىندا ينۆەستيسيا كولەمى 10 ملرد تەڭگە بولاتىن «فەنيكس» جشس-نىڭ دەمالىس ايماعى، سونىمەن قاتار ەڭبەكشىقازاق اۋدانىندا جوبالىق قۋاتىنا ساي كۇنىنە 5 مىڭ ادامدى قابىلاي الاتىن «ەسىك» تاۋ شاڭعى كۋرورتى، جوبانىڭ قۇنى — 64 ملرد تەڭگە.

ايتا كەتسەك، الاكول كولى جاعالاۋىنىڭ ينفراقۇرىلىمىن دامىتۋعا جەرگىلىكتى بيۋدجەتتەن 4 ملرد تەڭگەگە جۋىق قارجى بولىنگەن. تەمىرجول قاتىناسى ۇيىمداستىرىلىپ، ءۇشارال قالاسىندا اۋەجاي سالىندى، تەمىر جول ۆوكزالىنىڭ قۇرىلىسى باستالدى.